Улсын хэмжээнд мал бүртгэлжүүлэлтийн ажлыг эрчимжүүлнэ

Aдмин / Орон нутаг

Мал сүргийг бүртгэлжүүлэх, мэдээллийн нэгдсэн сан бүрдүүлж, баяжуулах, хяналт тавих тогтолцоог олон улсын жишигт нийцүүлэх ажлын хүрээнд улсын хэмжээнд мал сүргийг хувийн дугаартай болгож, мэдээллийн нэгдсэн санд бүртгэх, мал бүртгэлжүүлэх ажлын үр дүн, ач холбогдлыг олон нийтэд сурталчлан таниулах зорилгоор "Мал бүртгэлжүүлэлтийн аян"-ыг Хүнс, хөдөө аж ахуй, хөнгөн үйлдвэрийн яамнаас зохион байгуулж байна.

Мал бүртгэлжүүлэлтийн аяныг хавар (3 дугаар сарын 20-ноос 5 дугаар сарын сарын 20), намрын (9 дүгээр сарын 20-ноос 11 дүгээр сарын 20) технологит хугацаанд хоёр үе шаттайгаар хэрэгжүүлнэ.Аяны хүрээнд:

  1. Монгол Улсын 21 аймгийн 183 сумын 2970 малчин өрхийн баталгаажсан үүлдэр, омгийн малын цөм сүрэг болох 290.2 мянган малыг ялган тэмдэглэж бүртгэлжүүлэх,
  2. Цөм болон үржлийн сүргийн шаардлага хангасан 213.1 мянган хээлтүүлэгч, шинээр нөхөн тавьсан өсвөр хээлтүүлэгчийг бүрэн ялган тэмдэглэж, Малын бүртгэл мэдээллийн нэгдсэн санд оруулах,
  3. Нийслэл, Дархан-Уул, Сэлэнгэ, Төв, Орхон, Хэнтий зэрэг төвийн болон газар тариалангийн бүсийн 5 аймгийн 110.2 мянган үхрийг ялган тэмдэглэж, бүртгэлжүүлж, мэдээллийн нэгдсэн санд оруулах зэрэг арга хэмжээг авч хэрэгжүүлэх
  4. Цаашид мал бүртгэлжүүлэх ажлыг шат дараатай, төрөлжүүлэн зохион байгуулж мөшгөх тогтолцоог үр дүнтэй хэрэгжүүлэх юм.

Малыг ялган тэмдэглэж, бүртгэхийн ач холбогдол

Монгол Улс мал сүргээ ялган тэмдэглэж, хайрлан хамгаалж ирсэн түүхэн уламжлалтай. Төвлөрсөн төлөвлөгөөт эдийн засгийн үе буюу 1959-1992 онд малыг бүртгэлжүүлж байсан бөгөөд энэ томоохон ажлын үр дүнд:

  1. Улсын хэмжээнд таван төрлийн мал сүргийг өсгөн үржүүлэх нэгдсэн бодлого боловсруулах,
  2. Бүс нутагт ямар төрлийн мал өсгөн үржүүлэх,
  3. Сайжруулагчаар ямар үүлдэр, омгийн мал ашиглах,
  4. Хэрэгцээний эрлийзжүүлэгт ямар үүлдрийг ашиглах, мах үйлдвэрлэлийг нэмэгдүүлэхийн тулд бордооны цэгүүдийг хаана байгуулах зэргийг төлөвлөн хэрэгжүүлж, төрийн бодлого боловсруулж байсан.

Малыг ялган тэмдэглэж, бүртгэлжүүлэх нь малчид болоод мал аж ахуйн салбарын бодлого зохицуулалтад чухал ач холбогдолтой юм гэж Хүнс, хөдөө аж ахуй, хөнгөн үйлдвэрийн яамнаас мэдээллээ.


Сэтгэгдэл

ZAP [202.9.40.50] 2021-05-05 13:11:10

ZAP [202.9.40.50] 2021-05-05 13:11:10

Зочин [202.9.46.89] 2021-04-16 14:11:51

Бэлчээр газрыг талхлагч малын тоо толгойг цөөлөх ёстой. Малын чанар ч муудаж байна.

Зочин [64.119.26.60] 2021-04-16 13:13:02

Эхлээд хүн амаа бүртгэлжүүлчих.

оном [66.181.161.101] 2021-04-20 12:03:40

Хүн амаа бүртгэлжүүлээгүй гэж боддог юм биш биздээ. Өөрт чинь регистрийн дугаар гэж байдаг уу? Эсвэл регистрын дугааргүй иргэд яваад байна уу?

Зочин [192.82.91.205] 2021-04-17 00:05:13

Яг зөв


6 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
6 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.