Долоодугаар сарын 29-ний өдрийн байдлаар Сэлэнгэ мөрний эх, Орхон, Хөвсгөлийн уулсаас эхтэй Шишхэд зэрэг голуудын усны түвшин өмнөх өдрийнхөөс 10-45 см нэмэгдэж Сэлэнгэ, Бэлтэс, Дэлгэрмөрөн Идэр, Хэрлэн, Онон, Улз, Онги, Хархираа, Ховд голууд үерийн түвшинг 10-40 см давсан байна.

Харин Байдраг, Халх, Орхон гол Орхонтуул сум орчмоор үерийн аюултай түвшинг 10-95 см даван хүчтэй үерлэж байна. Маргааш буюу 7-р сарын 30-ны өдөр Сэлэнгэ мөрний эхээр усны түвшин 5-10 см нэмэгдэх төлөвтэй байна. Иймд дээр дурьдсан голуудын сав дагуу суурьшиж, нутагшиж буй ард иргэд, аж ахуйн нэгж, аялж зугаалж яваа хүмүүсийг үерийн аюулаас сэрэмжтэй байхыг онцгойлон анхааруулж байна.