Ерөнхий сайд Л.Оюун-Эрдэнэ: Олон үйл явдал давхацсан, өргөн цар хүрээтэй айлчлал боллоо

Aдмин / Улстөр

Японд Улсад ажлын айлчлал хийсэн Монгол Улсын Ерөнхий сайд Л.Оюун-Эрдэнэ өнөөдөр эх орондоо ирлээ. Тэрбээр айлчлалынхаа үеэр Япон Улсын Цог жавхлант эзэн хаанд бараалхаж, Ерөнхий сайд Ё.Сүгатай албан ёсны уулзалт хийсэн. Мөн Олимпын нээлтийн ажиллагаанд оролцож, Японы эрх баригч Либерал ардчилсан намын ерөнхий нарийн бичгийн дарга Т.Никай, Японы парламентын Төлөөлөгчдийн танхим дахь Япон, Монголын найрамдлын бүлгийн дарга М.Хаяши, Японы парламентын зарим залуу гишүүн, мөн Япон Улсын Эдийн засгийн сэргээн босголт, “КОВИД-19” цар тахалтай тэмцэх асуудал хариуцсан сайд Ё.Нишимүра болон Японы ХӨСҮТ-ийн удирдлагатай тус тус уулзаж цаг үеийн тулгамдсан болон хоёр талын хамтын ажиллагааны асуудлуудаар ярилцсан юм.
-Цар тахлын энэ хүнд үед хүн төрөлхтний олимпийн их наадмыг Япон Улс зохион байгуулж байна. Монгол Улс 1961 онд НҮБ-д гишүүнээр элсэж, 1964 оны Токиогийн олимпод анх удаа оролцсон. 57 жилийн дараа Токиод хотод дахин олимп болж байна. Цар тахлын хүнд үед хамт байгаагаа илэрхийлэх болон түүхэн талаасаа хүндэтгэл үзүүлэх нь чухал байсан гэж Ерөнхий сайд Л.Оюун-Эрдэнэ хэллээ.



Монгол Улсын Ерөнхий сайд Л.Оюун-Эрдэнэ Япон Улсын Ерөнхий сайд Ё.Сүгатай уулзаж, Хөшигийн хөндийд баригдсан “Чингис хаан” олон улсын нисэх буудлыг цогцоор өргөтгөж, эдийн засаг, мэдээлэл технологи, аялал жуулчлалын чөлөөт бүс болгон хөгжүүлэх, нийслэл Улаанбаатар хотын түгжрэлийг бууруулахад чиглэсэн хот тойрсон хурдны зам, Богдхан төмөр замын асуудал, мэдээлэл технологийн салбарт хувийн хэвшлийн хамтын ажиллагааг идэвхжүүлэх болон тус салбарын инженерүүдийг бэлтгэх, нүүрсний орд газруудыг түшиглэн ус төрөгчийн цахилгаан станц баригдах техник эдийн засгийн үндэслэлд хамтран ажиллах зэрэг эдийн засгийн томоохон хамтын ажиллагааны чиглэлээр санал солилцжээ.
Монгол Улс, Япон Улсын хооронд дипломат харилцаа тогтоосны 50 жилийн ой 2022 онд тохионо. Энэхүү түүхэн ойг хоёр улс ёслол төгөлдөр тэмдэглэн өнгөрүүлэхээр тохиролцжээ. Ойн хүрээнд Япон Улсын Цог жавхлант эзэн хаан Нарүхито, мөн Ерөнхий сайд Ё.Сүгаг Монгол Улсад айлчлахыг урьсан байна.
-Олимпын наадамд оролцсон баг тамирчдаа дэмжиж уулзсан. Тамирчид маань олимпын гурван медаль аваад байгаад их баяртай байна. Эзэн хаантай уулзах үеэр болон олимпын нээлтийн үеэр улс орнуудын төр засгийн тэргүүнтэй уулзаж дипломат харилцаа, цаашдын хамтын ажиллагааны талаар санал солилцох боломж гарсан. Энэчлэн олон үйл явдал давхацсан, өргөн цар хүрээтэй айлчлал боллоо гэж Ерөнхий сайд дүгнэж байна.

Монгол Улсын Ерөнхий сайд Л.Оюун-Эрдэнэ Япон Улсад ажлын айлчлал хийгээд буцах замдаа БНСУ-ын Ерөнхий сайд Ким Бү Гём-тэй ажлын уулзалт хийж хоёр орны иж бүрэн түншлэлийн харилцааг стратегийн түншлэлд хүргэх, эдийн засгийн төслүүдийн талаар санал солилцжээ. Мөн БНСУ-ын ЭКСИМ банкны удирдлагуудтай уулзалт хийсэн байна. Эдгээр уулзалтын үеэр “Солонго 1, 2 орон сууцны хороолол барих”, “Баянголын аманд түрээсийн орон сууц барих” төслүүд, “10 аймгийн төвийн дулааны станц барих” зэрэг төслийн хэрэгжилтийг эрчимжүүлэх талаар санал солилцжээ.


Сэтгэгдэл

ЗОЧИН [59.153.86.28] 2021-08-01 08:16:43

ХЯТАД АРД УЛСЫН ДАРГА, ЕС НАР ДАН ИНЖЕНЕРҮҮД БАЙСАН БАЙХ ЮМ БИЛЭЭ, ИНЖЕНЕР ХҮН Л БҮТЭЭН БАЙГУУЛАЛТ ХИЙНЭ Ш ДЭЭ, НАМЫН, УЛС ТӨРИЙН СУРГУУЛЬ ТӨГССӨН, НАМ, ТОМ ДАРГА НАРЫН БӨГС ДОЛООЖ, ЦҮНХ БАРИГЧ БАЙСАН, ГАДААДАД 2 ЖИЛ КУРСТ СУУСАН ХҮМҮҮС ЮУ ХИЙХ ВЭ ДЭЭ, МАНАЙ ТОМЧУУЛ ИЙМ Л ИНЖЕНЕРИЙН БОЛОВСРОЛГҮЙ ХҮМҮҮС, ЭНЭ НӨХӨР ТҮҮНИЙ НЭГ НЬ, ЭНЭ ХОГ 2050 ОНД 30 ЖИЛИЙН ДАРАА МУ ТИЙМ БОЛНО, 1 ХҮНД НОГДОХ ДНБ ХЭДЭН ДОЛЛАР Ч БИЛЭЭ ГЭЖ ДОНГОСНО, ӨНӨӨДРӨӨ МЭДЭХГҮЙ ИРЭЭДҮЙГ ЯРИНА, МАН ГЭХ ХУЛГАЙЧ АВИЛГАЧДЫН ҮҮР УУРХАЙН БҮТЭЭГДЭХҮҮН ЭДНУУСЫГ УГНА ТӨР, ТӨСӨВТ ОЙРТУУЛЖ БОЛОХГҮЙ ХҮМҮҮС, БАС ТЭГЭЭД ТЭРГҮҮН ХУЛГАЙЧ, АВИЛГАЧИД, КАЗИНОЧИД, ТӨРӨӨС ТӨРСӨН ТЭРБУМТНУУД ГЭЖ БАЙГАА, "ЭНЭ ДЭЛХИЙ ДЭЭР БҮТЭЭН БАЙГУУЛАГДСАН БҮХ ЗҮЙЛИЙГ ИНЖЕНЕРҮҮД БҮТЭЭЖЭЭ, БУСДЫГ НЬ БУРХАН БУЙ БОЛГОСОН" ГЭЖ АГУУ ХҮН ХЭЛСЭН БАЙДАГ, ЭНЭ ҮНЭН ШҮҮ.

Зочин [192.82.85.56] 2021-07-30 14:45:32

Enuun shig ichih bulchirhaigui turcun bol amar baij dee

Зочин [202.9.40.29] 2021-07-30 10:56:00

Хуцаад байгаа солиоотой бацаан бэ ? 800 гараад үхцэн бн хүүрээ. Чиний зугаалах яаахуу зүгээр л зайлаад өг.

ШАА [202.21.125.150] 2021-07-30 10:41:51

БҮЛТЭРДЭГ ХУДАЛЧ БАЛАЙ ЭРГҮҮ... ЦҮНХ БАРИАЧ ШААХАА БОЛИО

Sdk [69.253.43.151] 2021-07-30 09:34:04

Sda ene neg uym nuursnees usturugch gargana geel shaagaad yavakhiin nuursnees tiim uym gargadaggui uym sh dee!!!!!!!!!!!!!!!!!! Usnaas gargadaj avdagiin sh deee

Зочин [64.119.20.252] 2021-07-30 08:27:33

Энэ нөхөр хаана ямар боловсрол эзэмшсэн юм бол?Нэг л жоль амьтан харагдаад байх юм.Хэлж ярьж,аж загнах нь даанч хэрэг алга.УНАГАНДАА ЗАДААГҮЙ АДУУГ НААДАМД БҮҮ СОЙ,УДАМ МУУТ ХҮНИЙГ ТӨРД БҮҮ ОЙРТУУЛ гэж их эрдэмтэн Л.Түдэв хэлсэн гэсэн шүү?????!!!!!!


6 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
6 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.