Голомт Банк нь Бүгд Найрамдах Турк Улсын İş Bank-тай корреспондент харилцаа тогтоож “Турк Лира” валютыг шинээр нэвтрүүллээ
Голомт банк гадаад төлбөр тооцоог валютын өргөн сонголттойгоор харилцагчдадаа хүргэхийг зорин ажилладаг. Энэ хүрээнд БНТУ-ын İş Bank-тай корреспондент харилцаа тогтоож, тус улсын мөнгөн тэмдэгт болох Турк Лира (TRY) валютыг төлбөрийн системдээ нэвтрүүллээ. Ингэснээр Голомт банк харилцагчдын төлбөр тооцоог Лира валютаар гүйцэтгэхийн зэрэгцээ валют арилжааны үйлчилгээг мөн хүргэх боломжтой болсон юм.
Турк Лира валют зах зээлд нэвтэрснээр төлбөр тооцоонд шинэ боломжийг бий болгоод зогсохгүй, жилээс жилд өсөн нэмэгдэж буй Монгол Турк хоёр улсын хоорондох худалдаа, бизнес хамтын ажиллагааг дэмжихэд ихээхэн ач холбогдолтой. Энэ оны 3-р улирлын байдлаар хоёр орны хооронд хийгдсэн нийт худалдааны хэмжээ 44 сая ам.доллар байсан нь Ковид-19 цар тахлаас үл хамааран өнгөрсөн оны дүнгээс 8%-аар өссөн дүн юм.
Голомт банк гадаад төлбөр тооцооны үйлчилгээгээр салбартаа тэргүүлэгч банкны хувьд нийт 14 төрлийн валютаар төлбөр тооцоо гүйцэтгэж байна. Мөн энэ оны 3-р улирлын байдлаар системийн хэмжээнд нийт 9.3 тэрбум ам.долларын харилцагчдын гадаад төлбөр тооцоо олон улсын SWIFT сүлжээгээр дамжин хийгдсэнээс 3.2 тэрбум ам.доллар буюу 35%-ийг Голомт банк дангаараа гүйцэтгэжээ.
İş Bank нь 1924 онд байгуулагдсан бөгөөд 2021 оны хагас жилийн байдлаар 661 тэрбум лирагийн активтай, 1200 салбартай, 23000 ажилтантайгаар дэлхийн 23 оронд үйл ажиллагаа явуулдаг, улсдаа тэргүүлэгч Туркийн хамгийн том хувийн банк юм. Түүнчлэн İş Bank нь гадаадын 22 салбар, 2 төлөөлөгчийн газар, 3 охин компаниараа дамжуулан олон улсад үйл ажиллагаа явуулж байна.
Лам нартай харьцаанд орж, зураг бичлэгээ ашиглан шантаажилж, мөнгө авдаг эмэгтэйг баривчилжээ
АНУ-ын генерал "НАТО Калининградын бүс нутгийг 'газрын хөрснөөс арчиж устгах' боломжтой" гэж мэдэгджээ
Цэргийн алба хаагч 5011 км замыг 95 хоногт туулж, "Хэт холын зайн марафон гүйлт"-ийн шинэ дээд амжилт тогтоов
Азаров: Мөргөлдөөн дууссаны дараа Украин 185 тэрбум ам.долларын өрөө эргүүлэн төлнө
Трамп: "Coca colа" гол найрлагаа өөрчилнө, илүү амттай
Г.Занданшатар: Эрчим хүчний салбар өртөг зардлаа бууруулж, үр ашгаа нэмэгдүүлсний дараа үнэ тарифын асуудлыг ярих ёстой
Сергей Безруков: Түүх, соёл, үнэт зүйлсийг минь үгүйсгэх оролдлогууд гарч буй ч бидний эх оронч сэтгэл хэзээ ч хувирашгүй
Ерөнхий сайд Г.Занданшатар "ДЦС-3" ТӨХК-д ажиллаж, онцгой дэглэмийн хүрээнд өгсөн үүрэг, даалгаврын биелэлттэй танилцлаа
Монгол Улсын Ерөнхийлөгч У.Хүрэлсүх Бүгд Найрамдах Киргиз Улсад төрийн айлчлал хийнэ
Улсын гарди Н.Өсөхбаярыг нутгийн зон олон нь гурван өрөө байраар мялаажээ