Баянгол дүүргийн удирдлагууд тендергүйгээр төсвийн 69.2 сая төгрөгөөр чихэр авчээ

Aдмин / Хууль

Баянгол дүүргийн Засаг дарга Ө.Сумьяабаатар, ЗДТГ-ын дарга Б.Нарангэрэл нар эдийн засгийн хүнд үед төсвийн мөнгөөр тоглосон олон баримтууд байдаг. Үүний нэг нь байгуулагдаад 10-хан хонож буй шинэ компаниас 69.2 сая төгрөгөөр чихэр худалдан авсан байна.

Өөрөөр хэлбэл БГД-ийн удирдлагууд цар тахлын үед ахмадуудын нэрийг барьж хүнсний багц олгох нэрийдлээр “Агууша фүүдс” ХХК-тай хууль зөрчин 69.2 сая төгрөгөөр чихэр худалдаж авах гэрээг байгуулсан гэсэн үг. Төсвийн мөнгийг хууль зөрчин зарцуулсан энэ үйлдэл аудитын шалгалтын явцад ил болоод байгаа юм.

Баянгол дүүргийн ЗДТГ-ын гэрээ байгуулсан “Агууша фүүдс” ХХК 2021.09.14-ны өдөр УБЕГ-т хуулийн этгээдээр бүртгүүлж. Үүнээс хойш ердөө 10 хоногийн дараа буюу 2021.09.24 өдөр Баянгол дүүргээс 69.2 сая төгрөгийг ямар ч тендер зарлалгүй гаргуулж авсан.

Цар тахлын үед ахмадуудад хүнсний багц болгон мах, гурил, будаа бус чихэр олгох гайхамшигтай санааг сэдэж олсон Баянгол дүүргийн удирдлагуудын төсвийн мөнгийг үр ашиггүй зарцуулсан үйлдэл үүгээр зогсохгүй.

-Засгийн газрын 43 дугаар тогтоолыг Ө.Сумьяабаатар тэргүүтэй Баянгол дүүргийн удирдлагууд уландаа гишгэж төсвийн мөнгөн дээр туйлжээ-

Цар тахлаас шалтгаалж эдийн засгийн байдал хүндэрсэн тул төсвийн хөрөнгийг үр ашигтай, хэмнэлттэй зарцуулж, шаардлагагүй зардлуудаа хэмнэхийг төрийн бүх шатны байгууллагуудад Засгийн газраас даалгаж 43 дугаар тогтоолыг 2021 онд баталж байсан. Тус тогтоолд төсвийн мөнгөөр урлагийн наадам, спортын уралдаан тэмцээн, салбарын өдөрлөг, аялал зугаалга зэргийг зохион байгуулахыг хориглосон байдаг. Гэвч Баянгол дүүргийн удирдлагууд Засгийн газрын тогтоолыг үл тоомсорлож татвар төлөгчдийн мөнгийг цацах шиг болжээ.

Тухайлбал:

  • Тавилга, эд хогшил худалдаж авахад - 48.5 сая төгрөг
  • Контент бүтээхэд - 36 сая төгрөг
  • Албан хаагчдад гарын авлага хэвлүүлэхэд - 24.7 сая төгрөг
  • Явган аялал зохион байгуулахад - 6.9 сая төгрөг
  • 25-р хорооны албан хаагчдын сагсан бөмбөгийн тэмцээнд - 9.1 сая төгрөг
  • Санхүүгийн ажилтнуудын спортын арга хэмжээнд - 5 сая төгрөг
  • Санхүүчдэд хүндэтгэл үзүүлэх арга хэмжээнд - 7.3 сая төгрөг
  • Хороодын нийгмийн ажилтны сургалт, тараах материал хэвлэхэд - 9.2 сая төгрөг
  • Сургалт зохион байгуулахад - 7 сая төгрөгийг тус тус зарцуулж төсвийн хууль болон Засгийн газрын 43-р тогтоолыг удаа дараа зөрчжээ.

Түүнчлэн Баянгол дүүргийн Засаг даргын Тамгын газар шилэн дансандаа 860 сая төгрөгийн 33 санхүүгийн гүйлгээгээ ил тод мэдээлээгүй нууцалжээ.

Ганцхан Баянгол дүүргийн ЗДТГ-ын 2021 оны санхүүгийн тайлан, төсвийн гүйцэтгэлд хийсэн аудитын шалгалтаар 1.5 тэрбум төгрөгийн зөрчил илэрсэн байх жишээтэй. Эрх баригч намын дарга, Засгийн газрын тэргүүн Л.Оюун-Эрдэнэ “Авлигалтай тэмцэнэ гэдэг бол намынхаа нөхөдтэй тэмцэнэ гэсэн үг” гэж хэлж байсан удаатай. Ерөнхий сайд үнэхээр үнэнээ хэлсэн. МАН-ын засаглалын эрин үед төсвийн хулгай төгсөрчхөөд байна шүү дээ.


Сэтгэгдэл

зочин [202.179.27.119] 2022-05-13 11:04:21

Шудрага биш байна даа. Аудит нэг л их зөрчил илрүүлээл байдаг гэдэг шал худлаа дарга нарын зөрчлийг таг дараал өнгөрөөдөг байна ш дээ. шудрагаар ажиллаж байгаа хүмүүсийг гүтгээл загнаал байдаг кк.

Иргэд [202.126.90.24] 2022-05-11 21:42:39

Ганбаатарын оргтл дэлгүүрт нь зардаг чихэр ха ха

Зочин [202.126.89.49] 2022-05-11 21:19:58

Ганбаатар псду албан ёсны МАНгараа уйлах өдөр чинь ирнээ

Иргэн [66.181.190.36] 2022-05-11 20:48:20

Энэ МАН-ы төр засагт хаашаа л харна хулгай, авилга нүүрлэжээ. Яаж эднээс нэг сална даа. Өмнө нь АН-хан бас 12-16 онл үхэх гэж байгаа мэт уралдан хулгай луйвар хийсэн Түүнийхээ гороор 2 сонгууль дараалан навс ялагдсан.

Зочин [66.181.189.88] 2022-05-11 18:36:43

ganbaatar ed nariig hen songood bdgiim bee uls ornoo boddguim bh daaa

MAN ondor nastan [192.82.70.246] 2022-05-11 15:57:06

Meregjiliin hvn bvh shatand dutagdaj bgaa tomilgoogoor ochson uls tuhain salbaraa medehgvi bolohoor bvh ajil nuraadag meregjiliin lsiig ajil hiilgedeggvi habchdag ene baidaluls orni hogjild chodor bolj bna

Зочин [202.126.89.83] 2022-05-11 14:45:28

ENE BOL ARD TUMNIIG DOROMJILSON SHUNALTAI YLSIIN TOSOVIIN MONGIIG ZUGEER L HORTOI CHEHER METEER MONGO YREGCHID YYNIG ULERUULSEN IH UM ARAI DENDUU GEHED ULAAN TSAGAANDAA TULSAN HULGAICH LUIVARCHIN NAR MONGOLIIN TORD YYRELJEE TERTEE TERGUI TSAGUUR BURHAN SHIITGEED OGNO

Зочин [202.126.89.34] 2022-05-11 14:36:27

Аймаг сумын засаг дарга нарын үргүй зардал ч мөн адил их байгаа

Иргэн [150.129.143.177] 2022-05-11 14:17:58

Угаасаа ахмадын нэр дээр далимдуулж ха яагүй хороо дүүрэг идэж уугаад л бж байдаг шдээ.!!!!!!!чихэрт зарааар улсад нэг цэцэрлэг өрөгтөгөөч малнуудаа !!!!!!!Одоо бүгдиыг нь өөрчил !!!!!!!солих цаг 30 жил МАН байлаа одоо болно.!!!!!!!яасан цаддаггүй юм вэ Идэгчид ээээ

Зочин [202.21.124.137] 2022-05-11 14:16:16

Би БГын иргэн бна ямар хүнд өгч бна чихэрээ авъя


10 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
10 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.