Тэтгэлэгт хөтөлбөрөөр Цүкүбагийн их сургуульд суралцана

Aдмин / Нүүр

Япон улсаас Монгол улсад суугаа Онц бөгөөд Бүрэн эрхт Элчин сайд Хироюки Кобаяшигийн зүгээс “Хүний нөөцийг хөгжүүлэх JDS тэтгэлэгт хөтөлбөр”-ийн 21 дэх ээлжийн оюутнуудын үдэлтийн ёслолыг Элчин сайдын өргөөнд зохион байгууллаа.

Тус ээлжийн хөтөлбөрт ОБЕГ-ын Бодлого зохицуулалт, хамтын ажиллагааны газрын ахлах мэргэжилтэн, ахмад Г.Ган-Эрдэнэ хамрагдаж, Цүкүбагийн их сургуульд хоёр жилийн хугацаатай магистрантурт суралцах юм.

Өнгөрсөн жилийн 20 дахь удаагийн хөтөлбөрт ОБЕГ-ын Гадаад хамтын ажиллагааны хэлтсийн мэргэжилтэн, ахлах дэслэгч Т.Зориг хамрагдаж, тус улсад суралцаж байгаа юм.

“Хүний нөөцийг хөгжүүлэх JDS тэтгэлэгт хөтөлбөр” нь 1999 оноос хэрэгжиж эхэлсэн буцалтгүй тусламжийн хөтөлбөр.

Тус хөтөлбөрөөр ирээдүйд эх орныхоо хөгжил цэцэглэлтэд манлайлах үүрэг гүйцэтгэх чадварлаг боловсон хүчнийг Япон улсад суралцуулан, тэд эх орондоо буцаж ирснийхээ дараа өөрийн эзэмшсэн мэдлэг чадвараараа улсынхаа нийгэм, эдийн засгийн хөгжилд үр бүтээлтэй ашиглах зорилготойгоор хэрэгжүүлдэг.

Өдгөө Зүүн Өмнөд Азийн орнууд зонхилсон 19 улсад тус хөтөлбөр хэрэгжиж, нийт 5,000 гаруй хүн Япон улсад суралцаад байна.

JDS хөтөлбөрийн 21 дэх ээлжээр:

  • Сайтамагийн их сургуульд 2,
  • Мэйжигийн их сургуульд 2,
  • Кюүшүгийн их сургуульд 1,
  • Хирошимагийн их сургуульд 3,
  • Олон улсын их сургуульд 3,
  • Нагояагийн их сургуульд 1,
  • Цүкүбагийн их сургуульд 3 оюутан буюу нийт 15 оюутан магистрантурт тус тусын мэргэжлээр суралцана. Мөн 2016 оноос докторын зэрэг горилох оюутан илгээдэг болсон ба энэ жил Сайтамагийн их сургуулийн докторантурт 1 оюутан суралцах юм.

Дашрамд мэдээлэхэд, энэхүү хөтөлбөрийн 22 удаагийн бүртгэл энэ сарын 22-ныг хүртэл үргэлжлэн явагдана гэж Онцгой байдлын ерөнхий газраас мэдээллээ.


Сэтгэгдэл

Зочин [66.181.191.184] 2022-08-12 11:06:32

Цэрэг цагдаа хууль рүчнийхнийг ардчилсан оронд сургах бэлтгэх нь чухал


1 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.