ШӨХТГ: ХЭВИЙН БООВ ҮЙЛДВЭРЛЭГЧ АЖ АХУЙН НЭГЖИД ШАЛГАЛТ ХИЙВ

Aдмин / Нүүр

Шударга өрсөлдөөн, хэрэглэгчийн төлөө газраас хэвийн боовны үйлдвэрлэл, худалдаа эрхлэгчдийн үйл ажиллагаа нь холбогдох хууль тогтоомжид нийцэж байгаа эсэхэд хяналт шалгалт хийлээ. Шалгалтыг энэ оны 1 дүгээр сарын 11-ний өдрөөс 2 дугаар сарын 6-ны өдрүүдэд “Бэлх”, “Бүрэн плаза”, “Бүрд”, “Их тойруу”, Барс-1, Бөмбөгөр зэрэг худалдааны төв болон “Монголын Бурхан шашинтны төв-Гандантэгчэнлин хийд”-ийн “Гандан”, “Гандангийн ширхэнцэг” хэвийн боовны дэлгүүр зэрэг аж ахуй эрхлэгчдийг хамруулан явууллаа.


Хяналт шалгалтаар “Парис бэйкэри”, “Өгөөмж архад”, “Амдэ”, “Сигнал”, “Алтайн илч” ХХК болон “Ширхэнцэг” хэвийн боов үйлдвэрлэгч иргэн нь өөрийн бүтээгдэхүүний хаяг шошгод Оюуны өмчийн газраас барааны тэмдгийн гэрчилгээг авсан Гандантэгчэнлин хийд шашны байгууллагын “Гандангийн”, “Гандангийн шар тостой” гэх нэршлийг ашиглан зах, худалдааны төвүүдээр худалдаалж байсан, мөн үйлдвэрлэл эрхлэгчид нь худалдаалж буй хэвийн боовны хаяг шошгод бүтээгдэхүүний үйлдвэрлэсэн хугацаа, орц найрлага болон үйлдвэрлэгчийн хаяг байршлын талаарх мэдээллийг байршуулаагүй зэрэг зөрчил илэрлээ.

Иймд хэвийн боовны үйлдвэрлэл эрхлэгчдэд зөрчлийг арилгуулахаар улсын ахлах байцаагчийн 2023 оны 06 дугаартай хугацаатай “Албан шаардлага”-ыг хүргүүллээ. Албан шаардлагын хүрээнд дээрх нэршлийг хэвийн боовны сав баглаа боодлын шошгод ашиглахгүй байх, уг нэршил орсон сурталчилгааны самбаруудыг буулгах, нэршлийг дуу, дүрсний бичлэг зэрэг аливаа хэлбэрээр ашигласан сурталчилгаа явуулахгүй байх, “Хүнсний бүтээгдэхүүний сав боодлын шошголтод тавигдах шаардлага” MNS664852016 стандартын хэрэгжилтийг хангаж ажиллах бөгөөд зөрчлөө арилгасан талаар хариу ирүүлэхийг даалгажээ.


Сэтгэгдэл

Зочин [103.57.93.9] 2023-02-10 10:07:54

Шалгалт хийх нь маш зөв.Эрүүл ахуйн шаардлагад нийцсэн цэвэр газарт хийж байгаа эсэх орц найрлага нь ямар байгаа гэгчлэн хүнсний эрүүл ахуйд шаардагдах бүх зүйлсэд нь шалгалт хийх .

зочин [59.153.86.116] 2023-02-09 19:45:49

амталгаандаа орц жороо нормоор нь хийгээд зарах боовондоо хасаад хийж байгаа нь одоо цагийн монгол араншин

Зочин [66.181.160.85] 2023-02-09 07:06:59

Ул боовоор тавагаа чимсэн айлууд улныхан гэдгээ харуулах уу. Алийн болгон хүний улны боов идэх билээ. Яаж ийгээд өөрсдөө тавагийн боовоо хийцгээе. Малчид хүртэл боовоо хийхээ байсан байна лээ шүү.

иргэн [103.57.94.99] 2023-02-08 18:19:03

Гэртээ өөрсдөө хий !!!!!!!! бүгд аймаар үнэ нэмчихиймаа!!!!!!!!

Иргэн [202.126.89.193] 2023-02-08 17:08:24

монгол гүрмэл авлаа. Гэртээ ирээд үзсэн чинь хатуу., хугархай, бас гашуун амттай бна,яаядаа байз….

Зочин [202.126.89.193] 2023-02-08 17:09:15

Амталгаа нь дажгүй байсан юм.


6 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
6 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.