Улаанбаатар хотын автобусны парк шинэчлэлийн хүрээнд дунд оврын 36, цахилгаан 15 автобус Замын-Үүдэд ирээд байгааг Нийслэлийн Нийтийн тээврийн газрын дарга С.Жавхлантбаатар хэллээ.

Нийтийн тээврийн хүртээмжийг нэмэхээр энэ онд парк шинэчлэл, тээврийг сайжруулахад улсын төсөвт 340 тэрбум төгрөг тусган, 300 гаруй шинэ автобус авахаар төлөвлөөд байгаа.

Улаанбаатар хотод орон нутгийн өмчит болон хувийн хэвшлийн нийт 19 аж ахуйн нэгж 134 чиглэлд нийтийн тээврийн үйлчилгээ эрхэлдэг. Эдгээр компанид 1240 тээврийн хэрэгсэл бүртгэлтэй байдаг ч 985 тээврийн хэрэгсэл тогтмол үйлчилгээ үзүүлж байна.