“Илүү их уншъя” уриатайгаар 34 дэх удаагийн Үндэсний номын баяр өнөөдрийн бороотой хамт эхэллээ. Уг арга хэмжээ энэ сарын 17-ныг хүртэл төв талбайд үргэлжлэх юм.

Нийтээр тэмдэглэх баярын болон тэмдэглэлт өдрүүдийн тухай хуулийн 5.1.17-д “Үндэсний бичиг соёл, номын өдрүүд: тав болон есдүгээр сарын гурав дахь долоо хоногийн бямба, ням гариг” гэж тусгасны дагуу энэхүү өдрүүд албан ёсны тэмдэглэлт өдөр болсон билээ.

Энэ удаагийн номын баярын онцлох зочдын нэг нь “Амьдрахуй”, “Вэн хот” зэрэг зохиолоороо монгол уншигчдын танил болсон Хятадын нэрт зохиолч Үй Хуа юм.