Хэдэн мянганаас нааш өртөөлөн түүхийн олон нугачааг гэтлэн өнөөдөр нүүдэлчин янзаараа оршин тогтож байгаа Монгол Улсын газар нутаг ямар их үнэ цэнээр бидэнд өвлөгдсөнийг бид ухааран үр хойчдоо бүрэн бүтнээр нь үлдээх чухал үүрэг хүлээсэн. Гэтэл сүүлийн үед төрийн сайд нар УИХ-ын гишүүд нь элдэв хуулийн халхавчийн дор тусгаар тогтнол аюулгүй байдалд минь заналхийлсэн оролдлогууд удаа дараа давтагдсаар. Улс хүнгүй бол хөгжихгүй хүн ард газар нутаггүй бол эх оронгүй гэсэн үг. Бидний өвөг дээдэс юуны төлөө цусаа урсгаж газар нутгийнхаа төлөө халуун амиа өргөсөн билээ. Хэдхэн жил хөгжил нэрээр ууж идээд өмсөж зүүгээд дуусгах өчүүхэн жаргалын төлөө юу. Үр хойч минь гишгэх газартай үлдэг гэсэн чин зүтгэл үү? Хөгжил бол улсаа зарах явдал биш юм. Хүн амаа ядуурлаас гаргах гэдэг нь газар нутаг дээрээ харийн цагаач иргэдийг олноор суурьшуулах ч бус. Монгол хүн өөрийн газар нутагтаа өөрийн аж ахуйгаа чөлөөтэй эрхэлж, эрх чөлөөгөө эдэлж амьдрах боломж.

Д.ЭНХБАТ