Өвөл, хавар орсон их хэмжээний цас, түүнээс үүдсэн шар усны улмаас нийслэлийн гол болон туслах гудамж, замууд эвдэрч байна. Эвдрэл ихтэй авто замуудын нүхэн эвдрэлийг зөв хэлбэрт оруулан хөрөөдөх, түр шороон дүүргэлт болон хүйтэн асфальтбетоноор засварлах ажлуудыг хийж байна.

Авто замын нүхэн эвдрэлийг засварлах технологийн дагуу агаарын температур +5ºС-аас дээш замын суурь бүтэц хуурай нөхцөлд халуун асфальтбетоноор засварлах шаардлагатай байдаг.

Асфальтбетон үйлдвэрүүд дөрөвдүгээр сарын 10-ны өдрөөс ажиллаж эхлэх тул нүхэн эвдрэлийг богино хугацаанд засварлаж хэвийн болгохоор ажиллаж байна гэж Нийслэлийн Замын хөгжлийн газраас мэдээллээ.