1968 онд Зайсангийн гүүрийг ашиглалтад оруулж байснаас хойш засвар, шинэчлэлт огт хийгдээгүй бөгөөд 2012 онд гүүрийг ашиглах боломжгүй гэсэн дүгнэлт гаргаж байжээ.

Иймээс Зайсангийн баруун, зүүн гүүрийг шат дараатай буулгаж, 225 метр урт дөрвөн эгнээ бүхий төмөрбетон хос гүүрээр шинэчлэх, өргөтгөх ажлыг гүйцэтгэж эхэлсэн.

Улмаар баруун гүүрийг шинэчилж, 2023 оны есдүгээр сард ашиглалтад оруулж байсан бол зүүн гүүрийг ирэх зургаадугаар сард барьж дуусгана. Өнөөдрийн байдлаар гүүрийг шинэчлэх ажлын явц 85 хувьтай байгаа талаар албаныхан мэдээллээ.