"Эв мөнхийн тусгаар Монгол” нэрийн дор зохион байгуулагдаж буй Тулгар төрийн 2232, Их Монгол Улсын 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102, Ардчилсан хувьсгалын 35 жилийн ойн Үндэсний их баярын хурдан морины уралдаан өнөөдөр Хязаалан насны морьдын уралдаанаар эхэлж буй.

Энэ жилийн хязаалан насны морьдын уралдаанд 256 морь бүртгүүлсэн. Морьдын шүдлэгээ, сэрвээний өндрийг хэмжиж дууссан ба тэд гарааны төхөөрөмж рүү хөдөллөө. Хэмжилтэд тэнцээгүй хязаалан морьдын албан ёсны тоо гараагүй ч ойролцоогоор 50 орчим байгаа ажээ.