Улаанбаатарын хавар" арга хэмжээ 2026 оны 03 дугаар сарын 23-29-ний өдрүүдэд Сүхбаатарын талбайд зохион байгуулагдаж байна. Тус арга хэмжээний зорилго нь үндэсний өв, соёл, уламжлал, нийслэл хотын түүх, соёлын үнэт зүйлсийг иргэд, олон нийтэд сурталчлан таниулах, өсвөр үе, хүүхэд залуучуудыг үе тэнгийн дээрэлхэлт, хорт зуршлаас урьдчилан сэргийлэх, нийгэмд эерэг хандлагыг бий болгох юм.

Хүүхэд, гэр бүлийн хөгжил, хамгааллын ерөнхий газар болон нийслэлийн төвийн 6 дүүргийн Хүүхэд, гэр бүлийн хөгжил, хамгааллын хэлтсээс хүүхэд хамгааллын үйлчилгээ, урьдчилан сэргийлэх үйлчилгээг зохион байгуулан ажиллаж байна.