Шилэн Цогоо буюу иргэн Б.Цогтгэрэл төрийн байгууллагуудын дансыг хянаж эхэлснээс хойш багагүй хугацаа өнгөрчээ. Тэрбээр энэ удаа Иргэний нисэхийн ерөнхий газрын шилэн дансыг "ухсан" байна.

Шилэн Цогоо энэ талаараа "ИНЕГ-ын Шилэн данс‼️‼️‼️ Аяга хийлгэв, Цүнх хийлгэв, Бугуйн цаг хийлгэв Иргэний нисэхийн ерөнхий газар @Zandanshatar, @NyamUchral Төрийн хэмнэлтийн хуулийг олон зүйл заалтаар зөрчиж буй уг асуудалд хариуцлага тооцуулж өгнө үү⁉️" хэмээн бичжээ.

Саяхан тэрбээр мөн Батлан хамгаалах яамны шилэн дансыг шалгаж үзсэн байна. Тэрбээр энэ талаараа "Муу алдаатай шүүмжлэлтэй байдаг ч сайн болж бүтэж байгааг бас хэлье.

Д.Батлут сайдтай, Төрийн нарийн бичгийн дарга Хошууч генерал Д.Ганхуяг нарын Шилэн данс онц сайн байгааг тэмдэглэе. Гүйлгээний утга, Гэрээ, Төлбөрийн даалгавар зэрэг иж бүрдэл бүрэн байна.

Үлгэр жишээ байгааг магтан сайшаая" гэжээ.