Өнгөрсөн жил 20 сая толгой мал эдийн засгийн эргэлтэд оруулан 2022 оны арванэгдүгээр сарын 1-нээс 2023 оны зургаадугаар сарын 1-нийг хүртэлх хугацаанд 48 мянган тонн мах экспортолжээ. Үүний зэрэгцээ 2022 оны аравдугаар сарын 15-наас 2023 оны хоёрдугаар сарын 15-ныг хүртэлх хугацаанд 53043 толгой хонь, ямааг амьдаар нь экспортолсон байна. Ингэснээр малын махны экспортын орлого 180.3 сая ам.доллар, амьд малын экспортын орлого таван сая ам.доллароор нэмэгджээ.