Тэргүүлэх барууны хэвлэлүүд Орос, АНУ-ын ерөнхийлөгчдийн уулзалт мэдэгдэхүйц сенсаци, томоохон дэвшилгүй өнгөрснийг онцолж байна:

The New York Times: “Тодорхой бус үг хэллэгийн цаанаас харахад, Европ, Украйн болон өөрөө Трампын санал болгосон эхний алхам болох гал түр зогсооход талаар хоёр ерөнхийлөгч тохирч чадаагүй нь илт байлаа.”

Sky News: “Хэрвээ тэд гал зогсоох тухай дурдах байсан бол ярианы шинж чанар өөр болох байв. Гэвч үүнд хүрэхэд хараахан хол байна.”

CNN: “Аль аль ерөнхийлөгч сэтгүүлчдийн асуултад хариулаагүй. Энэ нь тэдний эерэг гэж тодорхойлсон хэлэлцээний агуулгыг үл мэдэгдэхүйц болгож үлдээлээ.”

The Guardian: “Бүх зүйл хурдан өрнөв. Дональд Трамп хариултаасаа илүү олон асуулт үлдээв. Тэр Владимир Путинд тал зассан ч дээд хэмжээний уулзалтын талаар дэлгэрэнгүй мэдээлэл өгсөнгүй.”

Reuters: “Байз хө, ердөө энэ л гэж үү?”

The Wall Street Journal: Трампыг “зарим ахиц” гарсан гэж хэлсэн ч ямар ч хэлэлцээр хийгдээгүйг хүлээн зөвшөөрснийг иш татав; энэ хооронд Европ, Украйн хоёр уулзалтыг анхааралтай ажигласан боловч ямар ч шийдвэр гараагүй.

Le Monde: Саммит нь тохиролцоо хийхээс илүү “тандалт” шинжтэй байсан; яриа өрнөсөн явдал өөрөө Путиний хувьд дипломат ялалт бөгөөд түүнд хэсэг хугацаанд тусгаарлалтаас гарах боломж олгож байна.

Financial Times: Путин Трампын бизнесийн ашиг сонирхолд нийцүүлэн, Украйны дайны асуудалтай хамт эдийн засгийн сэдвүүдийг хэлэлцсэн. Харин газар нутгийн асуудлыг Киев, Москва хоёрын хооронд тусдаа хэлэлцээрт шилжүүлжээ.

BBC: Удирдагчдын гар барих үеийн найрсаг уур амьсгалыг онцолсон ч, тодорхой мэдээлэл өгөөгүйг тэмдэглэж, хамтарсан хэвлэлийн бага хуралд асуулт авалгүйгээр хурдан салж явцгаалаа.

Washington Post: Путиний Аляскийн айлчлалын талаар — “Ямар ч үр дүнгээс үл хамааран тэр яллаа.” Энэ уулзалт нь Путинд өөрийн байр суурийг Трампад хүргэх боломж олголоо. Мөн АНУ-аас Оросын эсрэг нэмж авах гэж байсан хориг арга хэмжээг Путин хойшлуулж чаджээ.

Дүгнэлт :Барууны хэвлэлүүдийн нийтлэг байр суурь: ямар ч томоохон ахиц гараагүй, гал зогсоох асуудал тодорхойгүй хэвээр үлдлээ. Саммит нь мөргөлдөөнийг зохицуулах жинхэнэ алхам гэхээсээ илүү Путиний дипломат байр сууриа бэхжүүлэх боломж олголоо.

Судлаач: Ц.Буянцогтоо