COP30 БОУАӨ-ийн сайд Б.Батбаатар Бразил Белем хотноо болж буй Уур амьсгалын өөрчлөлтийн талаарх НҮБ-ын суурь конвенцын Талуудын 30 дугаар бага хуралд (COP30)-д оролцож байна.

Салбарын сайд энэ өдрүүдэд Монгол Улсын уур амьсгалын бодлого, зорилтыг олон улсад таниулахын зэрэгцээ 2026 онд Улаанбаатарт болох Цөлжилттэй тэмцэх тухай НҮБ-ын конвенцын Талуудын 17 дугаар бага хурлыг амжилттай зохион байгуулахад шаардлагатай түншлэл, дэмжлэгийг татах чиглэлд анхааран ажиллаж байна.

Уур амьсгалын өөрчлөлтийн асуудлаарх НҮБ-ын суурь конвенцын (UNFCCC) Гүйцэтгэх нарийн бичгийн дарга Симон Стиэллтэй уулзалт хийж, манай улсын уур амьсгалын бодлого, шинэ зорилтууд болон хамтын ажиллагааны талаар санал солилцлоо.