Аж үйлдвэр, эрдэс баялгийг яамнаас өнөөдөр өглөөний 07:00 цагийн байдлаар улсын хэмжээнд 225 вагон цистерн газрын тосны бүтээгдэхүүн байгааг мэдээлэв.

Тодруулбал, дизелийн түлш 86, АИ-92 шатахуун 95, АИ-95 шатахуун 8 вагон, онгоцны түлш 15, пропан ес, бутан 10, газ нэг вагон байгаа аж. Тиймээс шатахуун хомсдох учиргүй гэдгийг албаныхан хэллээ.

Үндэсний статистикийн хорооноос гаргасан мэдээллээр, нийслэлд АИ-92 шатахуун 2590, орон нутагт 2800 төгрөгийн үнэтэй байгаа юм. Харин дизелийн түлш литр тутамд 3365 төгрөг хүрч 1.3 хувиар өссөн байна.