Америкийн бүх нийтийн сонгуулийн санал хураалт эхэлж, Байден, Трамп нар эхний ялалтаа байгуулжээ
АНУ-ын одоогийн Ерөнхийлөгч Дональд Трамп, Ардчилсан намаас ерөнхийлөгчийн сонгуульд нэр дэвшигч Жозеф Байден нар Америкийн бүх нийтийн сонгуулийн санал хураалт хамгийн түрүүнд эхэлсэн Нью-Хемпшир муж улсын жижиг хотуудад тус бүр нэг ялалт байгууллаа.
Байден АНУ, Канадын хилийн бүсэд оршдог Диксвилл-Нотч хотод ялсан байна. 1960 онд үүссэн уламжлалын дагуу энэхүү хотын иргэд орон нутгийн цагаар шөнийн 00:00 цагт, өөрөөр хэлбэл тус улсын бусад хэсэгт санал хураалт эхлэхээс хэдэн цагийн өмнө сонгууль өгөх эрхээ эдэлдэг. Түүнчлэн өмнөд зүгт 20 км-ын зайтай оршдог олонд танигдаагүй жижигхэн хот болох Миллсфилдийн оршин суугчид мөн ийм эрхтэй аж.
Диксвилл-Нотч хотод санал хураалт эхэлснээсээ хойш хэдэн минутын дараа дууссан бөгөөд саналын хуудсыг мөн л хэдхэн минутын дараа тоолж дуусжээ. Санал хураалтын дүнг фэйсбүүкээр шууд танилцуулсан байна. Байденд таван хүн санал өгсөн бол Бүгд найрамдах намын нэр дэвшигч Трампыг нэг ч сонгогч дэмжээгүй байна.
Миллсфилдэд Трамп 16 хүний санал авч ялсан гэж CNN мэдээлэв. Харин Байденыг тус хотын таван оршин суугч дэмжжээ.
www.montsame.mn
Сэтгэгдэл
Зочин [202.131.241.34] 2020-11-04 02:16:05
Энэ трампыг муулж байгаа гарууд бол хятад, хятадын эрлийзүүд байгаа
Зочин [202.9.46.246] 2020-11-04 00:35:45
Трамп ялаасай
Зочин [202.9.46.184] 2020-11-03 15:39:15
трампийг дэмжинэ жинхэнэ эр хун
Зочин [202.126.88.225] 2020-11-03 14:35:26
Трамп ялнаа.
зочин [202.9.47.23] 2020-11-04 00:10:46
Трамп ялагдаасай
Зочин [59.153.114.51] 2020-11-03 12:18:48
ТРАМП БИШ БОЛ ХЭНЧ ЯАХАВ