Энэ сарын 28-нд буюу өчигдөр Тээврийн цагдаагийн албаны жижүүрийн шуурхай удирдлагын төв нийт 278 дуудлага мэдээлэл хүлээн авснаас гэмт хэргийн 15, зөрчлийн шинжтэй 186, согтууруулах ундааны зүйл хэрэглэсэн үедээ автомашин жолоодсон 33, бусад 44 дуудлага бүртгэгдсэн байна. Бүртгэгдсэн зам тээврийн ослын улмаас орон нутагт долоон хүн гэмтэж, хоёр хүн нас барсан байна.

Мөн хүүхэд өртсөн зам тээврийн осол орон нутагт нэг бүртгэгджээ.

Үүнээс гадна гудамж замын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодож хөдөлгөөнд оролцсон нийслэлд 50, орон нутагт 45 зөрчил илрүүлж учирч болох эрсдэлээс урьдчилан сэргийлжээ