Улаанбаатар хотод 74 төрлийн худалдаа, үйлчилгээ эрхлэхэд тусгай зөвшөөрөл шаардахгүй боллоо

Aдмин / Нийслэл

Нийслэлийн Засаг дарга бөгөөд Улаанбаатар хотын Захирагч Д.Сумъяабазар нэн чухал шийдвэрт өнөөдөр гарын үсэг зурж баталгаажуулсан талаараа мэдээлэл хийлээ. Энэхүү шийдвэр нь нийслэлийн нутаг дэвсгэрт хууль тогтоомж, стандарт, шаардлагад нийцүүлэн, зөвхөн бүртгүүлсний үндсэн дээр 2022 оны нэгдүгээр сарын 1-ний өдрөөс 74 төрлийн худалдаа, аж ахуйн үйл ажиллагааг чөлөөтэй эрхлэх нөхцөл, боломжийг нээж байгаагаараа онцлог юм.

Нийслэлийн Засаг дарга бөгөөд Улаанбаатар хотын Захирагч Д.Сумъяабазар хэвлэлийн хурлын үеэр “Худалдаа үйлдвэрлэл, үйлчилгээ эрхэлж буй иргэн, аж ахуйн нэгжүүд зөвшөөрөл авахын тулд 7-12 бичиг баримт бүрдүүлдэг. Энэ нь нийт аж ахуйн нэгжийн хэмжээгээр тооцвол 168 мянган бичиг баримт бүрдүүлэхэд хүрдэг байна. Бичиг хэргийн зардалд 42 сая, тээврийн зардалд 149 сая, нийт 191 сая төгрөгийг зарцуулдаг. Тэгэхээр энэ бүх зардлыг хэмнэж, аж ахуйн нэгжүүдээ дэмжих үүднээс энэхүү шийдвэрийг гаргаж байна. Цар тахлын дараах их сэргэлтийн хуулийг удахгүй УИХ-д өргөн барина. Тиймээс бид аж ахуйн нэгжүүдийг хууль тогтоомж, стандарт, шаардлагад нийцүүлэн, зөвхөн татварын албанд бүртгүүлсний үндсэн дээр худалдаа, үйлчилгээгээ нийслэлийн нутаг дэвсгэрт чөлөөтэй эрхлэх нөхцөл, боломж олгож байна” гэж мэдэгдлээ.

Энэхүү шийдвэр гарснаар нийслэлийн есөн дүүргийн хэмжээнд худалдаа, үйлдвэрлэл, үйлчилгээний чиглэлээр үйл ажиллагаа эрхэлж буй 18,664 иргэн, аж ахуйн нэгж, байгууллага цаашид тусгай зөвшөөрөл авах, жил бүр дүүргийн Засаг даргын Тамгын газарт үйл ажиллагаа эрхлэх зөвшөөрлөө сунгуулах шаардлагагүй болж байна. Ингэснээр худалдаа, үйлдвэрлэл, үйлчилгээ эрхэлж буй 20 мянга орчим иргэн, аж ахуйн нэгж, байгууллагад бодит хэмнэлт, үр дүн гарна гэж мэргэжилтнүүд тооцжээ.

Түүнчлэн Нийслэлийн Засаг даргын дэргэд байнгын үйл ажиллагаатай зөвлөл байгуулахаар болсноо мэдээллээ. Энэхүү зөвлөлд нь аж ахуйн нэгжүүдийн төлөөлөл багтах бөгөөд цаашид хийж хэрэгжүүлэх бодлогод аж ахуйн нэгжүүдийн санал санаачилгыг тусгах, гадаадын томоохон байгууллагуудтай хамтран ажиллах чиглэлээр бэлтгэлээ хангаж байна.

Дээрх 74 төрлийн худалдаа, үйлдвэрлэл, үйлчилгээнд тусгай зөвшөөрөл олгохгүй болсны үр дүнд иргэн, аж ахуйн нэгж, байгууллагад дараах бодит хэмнэлт, үр дүн гарна.

-Бүрдүүлэх баримт бичгийг багасгах чиглэлээр:

Иргэн, аж ахуйн нэгж, байгууллага нь жилд давхардсан тоогоор 167,976 баримт бичиг /нэг гэрээ байгуулж, эрх авахад 7-12 буюу дунджаар 9 баримт бичиг бүрдүүлдэг/ бүрдүүлдэг бөгөөд эдгээрийг цаашид иргэн, аж ахуйн нэгж, байгууллагаас шаардахгүй болно.

-Зардлыг хэмнэх чиглэлээр:

Иргэн, аж ахуйн нэгж байгууллага нь жилд нийт 191,306,000 төгрөг /бичиг хэргийн зардал 41,994,000 /баримт бичгийг хувилах зардал/, тээврийн хэрэгслийн зардал 149,312,000 /төрийн 5 байгууллага руу ирж, очих нийтийн тээврийн зардал//-ийн зардлыг хэмнэж байна. Үүний цаана ил болоогүй, тооцох боломжгүй олон зардал бий.

-Цаг хугацааг хэмнэх чиглэлээр:

Иргэд төрийн гурван байгууллага /Нийслэлийн Цагдаагийн удирдах газар, дүүргийн Засаг даргын Тамгын газар, Онцгой байдлын хэлтэс/ руу хоёр удаа, 2 байгууллага /дүүргийн Татварын хэлтэс, Тохижилт үйлчилгээний компани/ руу нэг удаа ирж, очдог бөгөөд нийт 447,936 цаг /нэг удаа ирж, очих хугацаа 3 цаг бөгөөд 1 иргэн үйлчилгээ эрхлэх гэрээ байгуулахад 24 цагийг зарцуулж байна/-ийг зарцуулдаг бөгөөд дээрх цаг хугацааг бүхэлд нь хэмнэх боломжийг бүрдүүлж байна.

-Шат дамжлагыг багасгах чиглэлээр:

Иргэн, аж ахуйн нэгж, байгууллага нь нэг гэрээ байгуулахад төрийн таван байгууллага /Нийслэлийн Цагдаагийн удирдах газар, дүүргийн Засаг даргын Тамгын газар, Онцгой байдлын хэлтэс, Татварын хэлтэс, Тохижилт үйлчилгээний компани/-д биечлэн очиж хүсэлт гаргадаг бөгөөд цахим хэлбэрт шилжүүлснээр үйлчилгээний хүсэлтээ зөвхөн нэг цонхоор гаргана. Иргэний хүсэлтийг төрийн дээрх байгууллагууд цахим хэлбэрээр нэгэн зэрэг хүлээн авч, шийдвэрлэн хариуг нэг цонхоор цахим хэлбэрээр өгөх нөхцөлийг бүрдүүлж байна.

Татварын албанд бүртгүүлж, стандартын шаардлага хангаад зөвшөөрөл шаардахгүй үйл ажиллагаа явуулж болох 74 худалдаа, үйлчилгээний төрөл.

А. Дүүргийн Засаг даргын Тамгын газраас үзүүлж буй худалдаа, үйлчилгээний гэрээ байгуулж батламж олгож буй 62 нэр төрлийн үйлчилгээ:

Худалдаа:

  1. Бөөний худалдааны төв;
  2. Агуулах дэлгүүр;
  3. Худалдааны төв;
  4. Зах /барилгын материал, мод, автотехникийн г.м/;
  5. Их дэлгүүр;
  6. Хайпермаркет;
  7. Супермаркет;
  8. Үзүүлэнгийн танхим;
  9. Аутлет;
  10. Бутик;
  11. Минимаркет;
  12. Хүнсний дэлгүүр;
  13. Ая тухтай сүлжээ дэлгүүр /конвиниенс стоор/;
  14. Төрөлжсөн барааны дэлгүүр;
  15. Мухлаг
  16. Түргэн үйлчилгээний цэг /цаашид “ТҮЦ” гэх/;
  17. Улирлын чанартай, түр, сүүдрэвчтэй худалдаа;
  18. Дахивар худалдан авах цэг.

Хоол үйлдвэрлэл, үйлчилгээ:

  1. Ресторан;
  2. Баар /диско, билльярд, караоке, бусад/;
  3. Кафе;
  4. Цайны газар /нийтийн үйлчилгээтэй болон байгууллагын дэргэдэх/;
  5. Түргэн үйлчилгээний болон сүлжээ хоолны газар;
  6. Кофе шоп
  7. Явуулын үйлчилгээтэй түргэн хоолны цэг

Ахуйн үйлчилгээ:

  1. Үсчин;
  2. Гоо засал;
  3. Хумс засал;
  4. Хувцас захиалга, засвар;
  5. Гутал захиалга, засвар;
  6. Гэр ахуйн тавилгын захиалга, засвар;
  7. Ахуйн электрон, цахилгаан хэрэгслийн засвар;
  8. Алт, мөнгө, үнэт эдлэлийн захиалга, засвар;
  9. Цүнх захиалга, засвар;
  10. Нүдний шил захиалга, засвар;
  11. Цоож, түлхүүр засвар;
  12. Цаг засвар;
  13. Хими цэвэрлэгээ, угаалга;
  14. Гэрэл зураг, дүрс бичлэгийн үйлчилгээ;
  15. Гэр цэвэрлэх үйлчилгээ;
  16. Айл нүүлгэх үйлчилгээ;
  17. Эд бараа түрээслэх үйлчилгээ;

Зочлох үйлчилгээ:

  1. Зочид буудал;
  2. Дэн буудал;
  3. Жуулчны бааз;
  4. Амралтын газар;
  5. Гэр буудал;

Ариун цэвэр, эрүүл ахуйн болон чийрэгжүүлэх, бялдаржуулах үйлчилгээ:

  1. Нийтийн халуун ус;
  2. Саун;
  3. Бассейн;
  4. Чийрэгжүүлэлтийн төв /фитнес, спиннинг, аэробик, иог, бүжиг гэх мэт/;
  5. Алжаал тайлах төв /иллэг/;
  6. Нийтийн бие засах газар.

Авто үйлчилгээ:

  1. Авто засвар /агрегат, кузов/;
  2. Дугуй засвар;
  3. Автомашины угаалга;
  4. Автомашины доторлогоо;
  5. Авто машин, сэлбэг хэрэгсэл, тос тосолгооны болон будаг, аккумлятор,

гоёл чимэглэл, дугуй зэрэг ашиглалтын материалын худалдаа;

  1. Авто зогсоол /битүү, ил/;

Тоглоомын төв:

1.цахим;

  1. хүүхдийн.

Нийтийн байрны үйлчилгээ

Б. Нийслэлийн Аялал жуулчлалын газраас зөвшөөрөл олгож буй 6 төрлийн үйлчилгээ:

  1. Зочид буудлын үйл ажиллагаа эрхлэх зөвшөөрөл шинээр олгох
  2. Зочид буудлын үйл ажиллагаа эрхлэх зөвшөөрөл сунгах
  3. Дэн буудлын үйл ажиллагаа эрхлэх зөвшөөрөл шинээр олгох
  4. Дэн буудлын үйл ажиллагаа эрхлэх зөвшөөрөл сунгах
  5. Жуулчны бааз, амралтын газрын чиглэлээр үйл ажиллагаа эрхлэх зөвшөөрөл шинээр олгох
  6. Жуулчны бааз, амралтын газрын чиглэлээр үйл ажиллагаа эрхлэх зөвшөөрөл сунгах

В. Нийслэлийн Соёл урлагийн газраас зөвшөөрөл олгож буй 6 төрлийн үйлчилгээ:

  1. Соёл урлагийн /дуу, хөгжим, бүжиг, драм, кино, драм, загвар, хөтлөгч, жүжигчин, тайзны яриа, илтгэх урлаг, уран зураг, фото зураг, төрөл бүрийн хатгамал, нүүр будаг, хувиргалт/ сургалтын газрын үйл ажиллагаа эрхлэх зөвшөөрлийн гэрчилгээ шинээр авах, сунгуулах
  2. Дэлгэцийн болон дүрс бичлэгийн бүх төрлийн кино үзвэрийн газруудын үйл ажиллагаа эрхлэх зөвшөөрлийн гэрчилгээ шинээр авах, сунгуулах
  3. Билльярд, боулинг, дэлгэцийн гольф, автомат тоглоом эрхлэх зөвшөөрөл шинээр авах, сунгуулах
  4. Диско клуб эрхлэх зөвшөөрөл шинээр авах, сунгуулах
  5. Караоке эрхлэх зөвшөөрөл шинээр авах, сунгуулах
  6. Тайчих клуб эрхлэх зөвшөөрөл шинээр авах, сунгуулах


Сэтгэгдэл

Зочин [64.119.25.86] 2021-12-22 10:03:42

Эрх өгч байгаа бол үүргийг нь сайн биелүүлийг шаард. Муухай бохир заваан орчин бий болгоод байвал хотын иргэдэд таатай биш бна.Бохир газар ундуй сундуй байдал хотоор нэг болж эргээд шаардлага тавиж хумьж чадахгүй эрх ярисан хүмүүс болохвийдээ. Хүний төрлөх мөн чанар амиа хичээх,авч л байвал сэтгэл ханаж байдаг сэтэхүй шд

Зочин [173.176.63.13] 2021-12-22 07:14:01

Зөвшөөрөл болгоны ард авилгал байдаг юм

Бөө мөргөлч өвгөн [66.181.161.2] 2021-12-22 06:53:56

Шашин ба бөө мөргөлийн талаарх гэсэн 5 жилд нэг удаа сунгуулдаг баймаар. Төр ба сүм хийдийн харилцааны хуулийг баримтлах нь зүйн хэрэг шүү.

кккк [64.119.22.59] 2021-12-21 23:21:01

үнэхээ тэнгэр заяатай юм бол одоо чаддаг чаддаг юмаа хийгээд өрсөлдөөд гараад ирээч веьтнам засвараас авахуулаад со хоолны газруудыг хаалгаа барьтал хөдөлмөрлө эс тэгвээс шал худлаа том баадаг эрээнээс хамаг юмаа татаж хил хаавал давс ч байхгүй болдог монгол хэвээрээ ертөнцийн буг болоод 100 жил ч болсон хэвээрээ бн биз кккк

зочин [202.55.191.205] 2021-12-21 19:54:04

ҮНЭХЭЭР ЗӨВ ЗҮЙЛ ХИЙЖЭЭ.

Зочин [192.82.81.204] 2021-12-21 10:50:17

Mash zuv. Demjij b.na

Туяа [192.82.81.204] 2021-12-21 10:49:00

Ломбардуудыг оруулахыг шаардаж б.на. Шинээр авахыг нь зөвшөөрөл авахуулаад сунгуулахыг нь болих хэрэгтэй. Жил болгон сунгуулах гэж маш их ажлаа алддаг

Зочин [192.82.81.204] 2021-12-21 10:44:00

Ломбардуудыг оруулах хэрэгтэй б.на. Хүү 3% болсоноор талаас илүү нь дампуурсан. Ажлын байрны зөвшөөрөл авах гэж сар гаран явдаг. 12 _ н бичиг баримт бүрдүүлж аваад 1 жил болоод л сунгуулах болдог

Зочин [66.181.161.3] 2021-12-21 00:58:31

аливаа шийдвэр гархад дагалдах буруу зүйл бүү хийгээрэй зөв талруун эргүүлж ард түмэн зөв амдрах хэрэгтэй шүү

Зөв2 [139.5.216.71] 2021-12-21 00:53:25

За энэ шийдвэр бол түүхэн шийдвэр шүү!!! 2018-2019 оны үед төрийн албаны нөхдүүд ч ёостой гаарсан даа 7 хоногт 4н удаа цагдаагаас (хорооноос,дүүргээс,нийслэлээс) 2 удаа татвараас 1 удаа ШӨХТГ-с хүн ирж шалгаж билээ.Яг л манайхыг хаалгахын тулд дээрээс аянга буусан юм шиг ниргэж байлаа! Бүх юм ном журмын дагуу байсан тулдаа л тэсэж гарсан даа! Одоо тэр нөхдүүдэд хандаж хэлхэд таанарын шантаажлаж оодордог цаг дуусжээ эртхэншиг хувийн хэвшилд орж зовлонгоо үүрцгээ, хүн яаж зовж хөдөлмөрлөж байж баялаг бүтээдгийг мэдэрцгээ!!! Ер нь төр бол иргэдээ хөдөлмөрлөх боломжийг нь тэгш олгох үүрэгтэй!!! Иргэн баян бол төр баян

иргэн [66.181.161.50] 2021-12-21 00:19:10

дүүрэг нийслэлд зөвшөөрөл өгөх нэрээр цаас цуглуулан орон тоо бөглөгсөдийг цөөл хувийн хэвшилд ажтллах хүчин хэрэгтэй бна

зочин [103.26.195.236] 2021-12-20 23:08:40

мэргэжлийн хяналт нь доороо цавчаад явах байхаа ам ажил 2 дандаа зөрдөг гөлөгнүүд. ХИл нээгдлээ гэж шаасан чинь өөрсдийнх нь ланд 300 орж ирээд л хил нь буцаад хаагдсан лаларын гөлөгнүүд. одоо баар хоолны газар хисэж тансагладаг хүн байхгүй болсон бүх лангуунууд зарах бараа байхгүй байна гөлөгнүүдээ

Зочин [192.82.87.206] 2021-12-20 22:51:06

Зөв бна. Одоо Мэргэжлийн хяналтын алба, Татварын гэсэн олон байцаагчидыг цомхтого. Төсвийн мөнгийг маш их хэмнэнэ. Баялаг бүтээгч, үйлдвэр, үйлчилгээ эрхлэгчидээсээ олон байцаагчтай орон до манайх. Хөдөө, хот, нийслэл, сум дүүргийн маш олон орон тооны бөглөөснүүд бдаг юм бналээ. Ажил хийхгүй сул цалин авдаг.

Эрдэнээ.С [64.119.24.2] 2021-12-20 22:22:28

Баяртай байна. Эрс эргэлт хийх ажил болж байна.

Зочин [66.181.180.228] 2021-12-20 19:44:28

Зөв зүйтэй, хөгжлийг хурдасгасан сайхан шийдвэр бн. Ажил хийцгээе

Иргэн [64.119.20.41] 2021-12-20 19:24:46

Орцы үүдэнд талх хийж зарьяа

иргэн [64.119.20.41] 2021-12-20 19:23:50

Ёстой ядуу тархитай данхар вэ ээээээиииииии!йыыыыы

Yu ch xelxewdee [66.181.161.120] 2021-12-20 18:54:45

Bayralj xvleej awj l bdg eejteigee aawtaigaagaa eswel gar dr n ussun emee uwuuteigee uulzaxgvi bx vree sanasan etsgiin setgel yamar xetsvv bxiig tusuulchuud naashaa morildog ter tasalbariig chin belddeg club karaokegoo neegsend bayral bandi nar min.yadaj ergelt toiroltiin asuudliin shiicheed jarga lalaruudaa oilgo.nuguu neg mundguud n yum bicheech sda vneniig xelj chadaxgvi xudald zoosond xoshnogoo xudaldsan bandi nar

Зочин [66.181.160.42] 2021-12-20 18:24:37

Ёстой гоё хашааныхаа үүдэнд бууз хийж зарнаа

Zochin [192.82.74.206] 2021-12-20 17:58:10

Oronnutagt yaah ym bol todruulmaar bna

lola [202.70.44.130] 2021-12-20 17:04:50

haa saigv tuts tawigdaad zambraagaa aldhin bndaa

Зочин [103.57.94.29] 2021-12-20 16:57:19

ТАЙЧААД БАЙЖ ДЭЭ

Bat [202.126.89.196] 2021-12-20 16:31:24

Ashgui dee ali ert ingekh yostoi bsiim.

Зочин [49.195.60.226] 2021-12-20 16:07:06

Hahuuli avdag garuud odo ajlaasaa garj turd ajillah hun bagsah n ashgui


24 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
24 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.