Сүүлийн 24 цагт коронавируст халдварын 67 тохиолдол шинээр бүртгэгдсэнээс 50 нь Улаанбаатар хотод, 17 нь орон нутагт байна.

Одоогоор уг өвчний улмаас эмнэлэгт 219 хүн хэвтэн эмчлүүлж байгаа бол 438 хүн гэртээ тусгаарлагдан эмчлүүлж байна.

Эмнэлэгт байгаа иргэдийн 14 нь нэн хүнд, 63 нь хүнд, 137 нь хүндэвтэр, тав нь хөнгөн оноштой байна.

Орон нутгийн хувьд, халдварын тохиолдол Баян-Өлгийд хоёр, Дархан-Уулд нэг, Өмнөговь аймагт 14 тус тус бүртгэгдсэн тухай Эрүүл мэндийн яамнаас мэдээллээ.