МҮХАҮТ-ын “Entreprenuer” шагнал гардуулах ёслолын ажиллагаанаас Гранпри шагнал хүртсэн болон оны шилдэг 10 аж ахуйн нэгжийн тугийг МҮХАҮТ-ын гадна бүтэн жилийн турш мандуулдаг уламжлалтай. Бизнесийн салбарын нэр хүнд, үнэ цэнийг тодорхойлж ирсэн Монгол Улсын оны онцлох аж ахуйн нэгжийг шалгаруулдаг "Entreprenuer 2022" Меркури цом гардуулах ёслолын "Гран при" Алтан Меркури шагналын эзэн "Оюу толгой" ХХК, Ази, Номхон далайн орнуудын ХАҮТ-уудын нэгдсэн Холбооны шагналаар шагнагдсан "Интернейшнл Медикал Сентер" ХХК болон шилдэг аж ахуйн нэгжээр шалгарсан "Эрдэнэт Үйлдвэр" ТӨҮГ, "Энержи Ресурс" ХХК, "ХААН" банк, "Номин Холдинг" ХХК, "Мобиком корпораци" ХХК, "Сүү" ХК, "М-Си-Эс Кока-Кола" ХХК, "Тэсо" ХХК, "Петровис групп" ХХК, "Грийн групп" ХХК-ийн тугийг мандууллаа.