Өнгөрсөн даваа гарагт Турк Улсад болсон газар хөдлөлтийн улмаас амиа алдагсдын тоо 21 мянгийг даваад байна. Тэгвэл аврагчид газар хөдлөлтөөс хойш 90 цагийн дараа буюу дөрөв хоногийн дараа 10 хоногтой нярай болон түүний ээжийг нурангиас эсэн мэнд аварч чаджээ.

Хүүг дулаан хөнжлөөр хучин гаргаж, дараа нь түргэн тусламжийн машин руу аваачиж байгаа дүрс бичлэг цацагджээ. Харин эхийг нь дамнуургаар гаргаж авсан байна. Одоогоор эх, нярай хоёрын эрүүл мэндийн талаарх дэлгэрэнгүй мэдээлэл цацагдаагүй байна гэж BBC агентлагт мэдээлжээ.