Өнөөдөр буюу 2023 оны тавдугаар сарын 25-ны Пүрэв гарагт өрнөх зарим үйл явдлын хураангуйг хүргэж байна.

МУИС-ИЙН ТӨВ НОМЫН САН

09:00 цагт: “Даяаршлын үеийн хэвлэл мэдээлэл ба олон нийтийн харилцаа” олон улсын эрдэм шинжилгээний хурал болно.

ЦӨМИЙН СУДАЛГААНЫ ТӨВ

10:00 цагт: Академич, профессор Н.Содномын мэндэлсний 100 жилийн ойд зориулсан хүндэтгэлийн үйл ажиллагаа болно. Мөн ойн хүндэтгэлийн хурал МУИС-ийн төв байрны Эрдмийн зөвлөлийн танхимд 14:00 цагт болно. Утас: 94582204.

ТӨРИЙН ОРДОН

10.00 цагт: “Алдарт эх”-ийн одон гардуулах ёслол эхэлнэ.

“ЗУУНЫ МЭДЭЭ" СОНИНЫ ҮНДЭСНИЙ МЭДЭЭЛЛИЙН ТӨВ

11.00 цагт: Дэлхийн менторууд Монгол зочлох гэж буй талаар мэдээлнэ.

Д.СҮХБААТАРЫН ТАЛБАЙ

11:00 цагт: Монголын Өмгөөлөгчдийн холбооны 95 жилийн ойн хүрээнд өмгөөлөгч нар иргэдэд хууль зүйн зөвлөгөөг үнэ төлбөргүй өгнө.

УЛСЫН ЕРӨНХИЙ ПРОКУРОРЫН ГАЗАР

11:00 цагт: Нийслэлийн прокурорын орлогч А.Энхжаргалын “битүүмжлэх” шийдвэр нь хэрэгт шалгагдаагүй “Эрдэнийн босго” ХХК-ийн бусад хувьцаа эзэмшигчийг хохироож байгаа талаар хувьцаа эзэмшигчдын өмгөөлөгч мэдээлэл хийнэ. Утас: 88119849.

ЧИНГИС ХААНЫ МУЗЕЙ

11:30 цагт: ХАС банк олон нийтэд хувьцаа гаргаж буйг танилцуулах өдөрлөг зохион байгуулна.