Өнгөрсөн зуунд бусдын гарт нухлагдахдаа л Монгол Ерөнхий сайд нар буудуулах нь буудуулж, хэлмэгдэх нь хэлмэгдэж ард түмэн ч зовлон зүдгүүр амссаар байсан. Цаг эргэж, ардчиллын эрин ирлээ ч өнөөх дарангуйн хар сүүдэр бүрхсээр л Засгийн газрын тэргүүн, сайд нар гаргасан шийдвэр, Монгол улсын төлөөх зүтгэлийнхээ улмаас шүүгдэн шалгагдаж, яллагдсаар байна.

Эрх баригч намын эрээ цээргүй хулгай дээрэм, хариуцлагагүйн асуудлууд ар араасаа ард түмний дургүйцэл төрүүлэх тусам тэд сөрөг хүчнээ нухчин дарах ажлыг огтхон ч жолоо хумихгүй үргэлжүүлэв. Ард түмний дунд нэр хүндтэй улс төрчдийг ээлж дараалан харлуулах, гүтгэх, шүүн таслах арга хэмжээ авч байгаа нь 1937 оныг санагдуулам.

Ялгаж салгах хараагүй, ялын тогтоол уншихад л тачаадсан хууль хяналтынхан захиалгаар ажилладаг болсон нь нуумгүй үнэн. Хэн Монгол Улсын эрх ашгийг, хэн уналт сүйрлийг хүсэмжилж вэ гэдгийг түүх гэрчлэх ч наана нь авлигалч нь ардын толгой дээр тонгочиж, зүтгэлтэйг нь гяндан гаваар угтаж байгаа нь тун харамсалтай.