Авлигтай тэмцэх газраас МАН-ын Хэвлэл мэдээлэл, цахим бодлогын асуудал хариуцсан нарийн бичгийн дарга Ц.Чулуунзагдын гэр болон ажлын байранд өчигдөр /2025.09.10/ шөнийн 03.00 цаг хүртэл нэгжлэг хийж, 48 цагийн хугацаагаар цагдан хорьсон байна.

Одоогийн байдлаар түүний гэр, ажлын өрөөнд ямар учраас нэгжлэг хийсэн нь тодорхойгүй байгаа бөгөөд шаардлагатай бичиг баримтуудыг хураан авчээ.

Эх сурвалжуудын мэдээлснээр, түүнийг өмнө нь холбогдож байсан нүүрсний хэрэгтэй нь холбоотойгоор шалгаж эхэлсэн байж болзошгүй бөгөөд үргэлжлүүлэн нэг сар хорих саналыг прокуророос шүүхэд гаргаж магадгүй аж.

Сануулахад, 2023 оны арванхоёрдугаар сард зохион байгуулагдсан нүүрсний сонсголын үеэр түүний дүү Ц.Ламжав "Админерал" ХХК-иараа "Эрдэнэс Тавантолгой" ХК-ийн уурхайн хагас коксжих нүүрсийг худалдан авч, хилээр нэвтрүүлэх зөвшөөрлөө авсан, мөн нүүрс баяжуулах үйлдвэр барьж буй тухай мэдээлэл дэлгэгдэж байв.

Б.ЖАРГАЛ