Төсвийн байнгын хорооны өнөөдөр \2025.10.14\-ийн хуралдаанаар Монгол Улсын 2026 оны төсвийн тухай хуулийн төсөлтэй хамт өргөн мэдүүлсэн хууль, тогтоолын төслүүд болон УИХ-ын гишүүн С.Эрдэнэболдоос Эдийн засгийн хараат бус хяналтын хэрэгжилтийн талаар Монгол Улсын Ерөнхий аудиторт хандсан асуултын хариуг хэлэлцлээ.

Үндэсний баялгийн сангийн хөрөнгийг өсгөж эргэлтэд оруулахад чухал ач холбогдол бүхий Төр хувийн хэвшлийн тухай хуулийн хэрэгжилт болон НӨАТ-ын тухай хуулийн шинэчлэл зэрэг дөрвөн гол асуудлаар төсвийн тухай хуулийн төсөлтэй хамт өргөн мэдүүлсэн тогтоолын төслийг холбогдох яамдууд танилцууллаа. Ингэснээр 2026 онд Үндэсний баялгийн санд тодорхой хэмжээний орлого нэмэгдэнэ гэж үзэж байна.

Үндэсний аудитын газар 1994 онд Олон улсын аудитын дээд байгууллагад нэгджээ. Монгол Улсын Үндсэн хуульд 2019 онд өөрчлөлт оруулан хараат бус аудитыг бий болгохоор төрийн санхүү төсвийн хяналтыг сайжруулж хэрэгжүүлснээр одоогоор 7100 гаруй байгууллагыг хамруулан аудит хийж байна.

2025 оны арванхоёрдугаар сарын 12-нд УИХ-ын 54 дүгээр тогтоолоор Үндэсний аудитын газарт хуулийн дагуу хийгдэх 17, бодлогоор хийгдэх 24, нийтдээ 41 гүйцэтгэлийн аудитын сэдвийг баталж өгсөн байна. Өрийн удирдлагын эрсдэлтэй асуудлуудыг зайлшгүй анхаарах хэрэгтэй байгаа. Түүнчлэн 2026 онд 51.2 их наяд төгрөгийн гадаад өрийн үлдэгдэлтэй, 3.7 их наяд төгрөгийн өрийн үйлчилгээ хүүгийн зардал төлөхөөр байгааг Эдийн засгийн хөгжлийн яам танилцууллаа.