2025 оны арваннэгдүгээр сарын 20-ны өдөр болох үйл явдлын товч мэдээллийг хүргэж байна.

09:00 цагт: Хүний эрхийн үндэсний комиссоос жил бүр зохион байгуулдаг Хүний эрхийн хүндэтгэлийн лекц-2025 “Чингис хаан” үндэсний музейд болно.

09:00 цагт: “Бүх нийт боловсролын төлөө!” Иргэний нийгмийн үндэсний эвсэл, Монголын БШУ-ны Үйлдвэрчний эвлэлийн холбоотой хамтран “Эрх тэгш байдлын төлөөх боловсролын санхүүжилт” олон талт хэлэлцүүлгийг Пума Империал зочид буудалд зохион байгуулна.

09:30 цагт: Төрийн шагналт, соён гэгээрүүлэгч, эрдэмтэн зохиолч, дуун хөрвүүлэгч, угсаатны зүйч, хэл бичгийн шинжлэх ухааны доктор, профессор, академич Б.Ринчений мэндэлсний 120 жилийн ойд зориулсан “Б.Ринчен судлал” олон улсын эрдэм шинжилгээний хурал Архивын ерөнхий газрын хурлын танхимд болно.

09:30 цагт: Нийслэлийн хэмжээнд 7 сургууль, 19 цэцэрлэг, 7 бага сургууль, цэцэрлэгийн цогцолборыг ашиглалтад оруулаад байна. Эдгээр сургууль, цэцэрлэгийн үйл ажиллагааны талаар НЗД-ын орлогч А.Амартүвшин 120-ын "Жетро" дэлгүүрийн хойд талд мэдээлэл хийнэ.

11:40 цагт: “Ясан сийлбэрийн гайхамшигт өв” үзэсгэлэнгийн нээлт Монголын Үндэсний музейн үзэсгэлэнгийн танхимд болно.

14:00 цагт: Судалгаа, сан хөмрөгийн төвийн эрхлэгч, доктор Г.Бямбарагчаа “Чингис хааныг бурханчлах нь: Монголчуудын дундах Чингис хааны үнэлэмж ба шүтээн хөргийн тухай” сэдвээр “Чингис хаан” үндэсний музейд лекц тавина.

17:00 цагт: Монгол Улсын Ерөнхийлөгчийн ивээл дор Монголын байгалийн гэрэл зурагчдын нийгэмлэгээс зохион байгуулсан "Монголын байгалийн шилдэг гэрэл зураг-2025" олон улсын уралдааны шилдэг бүтээлүүдийн шагнал гардуулах үйл ажиллагаа болон шилдэг гэрэл зургийн нэгдсэн үзэсгэлэн “Норпей Арт” галерейд болно.

Спорт:

-Волейболын дээд лиг, сагсан бөмбөгийн дээд лиг үргэлжилж байна.

Урлаг соёлын тоглолт:

-"Үгүйлэгдсэн хайр" уянгын драмыг УДЭТ-ын тайзнаа толилуулж байна.

-"Сүүлчийн бороо" мета драмын жүжиг Оросын шинжлэх ухаан соёлын төвд гарч байна.

Үзэсгэлэн:

-Монголын шаазан ваарын үйлдвэрийн 70 жилийн түүхт ойд зориулсан цуглуулагч Х.Батпүрэвийн шаазан ваарын үзэсгэлэн энэ сарын 30-ныг хүртэл Г.Занабазарын нэрэмжит Дүрслэх урлагийн музейд гарна.

-УГЗ, уран барималч Ж.Нанзаддоржийн “Замнал 50” уран бүтээлийн бие даасан үзэсгэлэн энэ сарын 23-ныг хүртэл МУЭ-ийн арт галерейд гарна.

-Уран бүтээлч, хувцасны дизайнер Б.Бэлгүтэй, уран барималч Б.Цагаадай нарын хамтарсан "Бидний хооронд" үзэсгэлэн энэ сарын 21-нийг хүртэл "Улаан гэр" галерейд гарна.

-Монгол, Германы уран бүтээлчдийн хамтарсан "Анагаагч эх дэлхий" олон улсын үзэсгэлэн энэ сарын 30-ныг хүртэл "HUE" арт галерейд гарна.

-МУЭ-ийн гишүүн уран бүтээлч Ж.Пүрэвсүрэнгийн “Огторгуйн охид” бие даасан үзэсгэлэн Бий контемпорари арт галерейд энэ сарын 30-ныг хүртэл үргэлжилнэ.

-Найм дахь удаагийн “Алтан намар” судалбар зургийн үзэсгэлэн Бий контемпорари арт галерейд энэ сарын 30-ныг хүртэл гарна.

-Цагдаагийн байгууллагаас галт зэвсэг, түүнтэй адилтгах хэрэгслийн үзлэг тооллогыг улсын хэмжээнд 12 дугаар сарын 4-нийг хүртэл явуулж байна.

-Сэтгүүл зүйн бүтээлийн шүүмжийн уралдааны бүтээлийг 12 дугаар сарын 5-ныг хүртэл цахимаар хүлээн авна.

-Хэвлэл мэдээллийн салбарын “Ган үзэг-2025” оны тэргүүн наадамд нэр дэвшигчдийн материалыг 12 дугаар сарын 5-ныг хүртэл МСНЭ-ийн www.mseonline@yahoo.com цахим шуудангаар хүлээн авна.

Хилийн чанадад:

-Швейцарын Цюрих хотын Ритберг музейд “Монгол орон: Цаг хугацааны аялал” тусгай үзэсгэлэн 2026 оны 2 дугаар сарын 26-ныг хүртэл үргэлжилнэ.

Орон нутагт:

Өвөрхангай: "Өвлийн идэш" нэгдсэн үйл ажиллагааг 12 дугаар сарын 5-ныг хүртэл зохион байгуулна.

Сэлэнгэ: Монгол бахархлын өдрийг тохиолдуулан хүүхэд залуус, номын сангийн уншигчдын дунд "Чингис хааны билиг сургаал" танин мэдэхүйн цахим контент бүтээх, "Монгол бахархал" номын үзэсгэлэн гарч байна.

Ховд: Түүх, соёлын хөдлөх дурсгалт зүйлийн улсын тооллого энэ сарын 20-ныг хүртэл үргэлжилнэ.