АХБ-ны санхүүжилтээр УГТЭ-ийн Мэдрэлийн мэс заслын тасагт 20 гаруй тэрбум төгрөгийн хөрөнгө оруулалт хийгдлээ

Aдмин / Эрүүл мэнд

Азийн Хөгжлийн банк Эрүүл мэндийн яамны хэрэгжүүлж буй “Эрүүл мэндийн салбарын хөгжил хөтөлбөр-5” төслийн Ковид-19-ийн онцгой байдлын тусламжийн нэмэлт санхүүжилтээр Улсын гуравдугаар төв эмнэлгийн мэдрэлийн мэс заслын тасагт 22,2 тэрбум төгрөгийн хөрөнгө оруулалт хийгдэхээс одоогоор 15 тэрбум төгрөгийн хөрөнгө оруулалт хийгдэж, үйл ажиллагааг эхлүүлээд байна. Монгол Улсын Засгийн газар АХБ хооронд шинэ төрлийн коронавирусээр үүсгэгдсэн цар тахлын эсрэг эрүүл мэндийн салбарын бэлэн байдал, хариу арга хэмжээ авах чадавхыг бэхжүүлэх, өндөр эрсдэлтэй өвчтөний оношлогоо эмчилгээг сайжруулах зорилготой КОВИД-19-ийн яаралтай тусламжийн шинэ зээлийн гэрээг 2020 оны тавдугаар сарын 14-ний өдөр байгуулсан.

Гэрээний дагуу аймаг, нийслэлийн лавлагаа шатны эмнэлгүүдэд Ковид-19, SARS зэрэг амьсгалын замын хүнд, хурц хэлбэрийн халдварын хүндрэл, уушгины хатгалгааны үед хэрэглэгдэх амьсгалын аппарат, яаралтай түргэн тусламжийн багц, эмнэлгийн ажилтны хамгаалах хэрэгсэл болон УНТЭ болон УГТЭ-т эрчимт эмчилгээ, сэхээн амьдруулах, мэдрэлийн мэс заслын тусламжийн нэн шаардлагатай нийт 75 нэр төрлийн 72534 эмнэлгийн хэрэгсэл, тоног төхөөрөмжүүдийг хангаж, суурилуулан, үйл ажиллагаанд орууллаа. Мөн гамшиг, нийгмийн эрүүл мэндийн ноцтой байдал үүссэн үед эмнэлгийн тусламж, үйлчилгээнд шаардлагатай эм, эмнэлгийн хэрэгсэл, вакцин биобэлдмэл, эмнэлгийн тоног төхөөрөмж, ариутгал халдваргүйтгэлийн бодис, урвалж оношлуурыг хадгалах нэгдсэн агуулахыг барих ажил хийгдэж байна.

Лавлагаа шатлалын эрчимт эмчилгээний тасгуудын хүчин чадлыг сайжруулах зорилгоор улсын хэмжээнд төрөлжсөн мэргэжлийн эмнэлгүүдэд иж бүрэн тоноглолтой эрчимт эмчилгээний 210 ор нийлүүлснээс 35 ор нь одоо УГТЭ-ийн Ковид-19-ийн эрчимт эмчилгээ, яаралтай тусламжид ашиглагдаж байна. Дэлхий нийтээр тэмцэж буй Ковид-19 цар тахлын эрүүл мэндэд үзүүлж буй эрсдэлийн нэг тархи судасны эмгэг буюу тархины харвалт тулгамдсан асуудал болж байна. Манай улс тархины эдийн цус харвалтаар дэлхийд нэгдүгээрт бичигддэг төдийгүй 100,000 хүн амд 292 хүн тархины харвалтаар өвддөг гэсэн статистик тоо мэдээ бий.

Улсын гуравдугаар төв эмнэлгийн Мэдрэлийн мэс заслын тасаг нь 1971 онд байгуулагдсан улсын хэмжээний үйлчилгээтэй мэргэжлийн ууган тасгийн нэг юм. Энэ тасагт жилд дунджаар тархи, мэдрэл, нуруу нугасны 1500 орчим мэс заслын тусламжийг 0 дээш насны хүн амд үзүүлдэг. ЭМЯ, АХБ-ны хамтран хэрэгжүүлсэн энэхүү үйл ажиллагааны үр дүнд Монгол Улсын Мэдрэлийн мэс заслын салбарт сүүлийн 50 гаруй жилийн хугацаанд хийгдээгүй 20 орчим тэрбум төгрөгийн өртөг бүхий иж бүрэн, цогц бүрэлдэхүүн бүхий тоног төхөөрөмж, багаж хэрэгсэл, технологийн түүхэн шинэчлэл хийгдээд байна. Энэхүү тоног төхөөрөмж технологийн шинэчлэлийн ачаар Монгол улсын Мэдрэлийн мэс заслын салбарын хөгжил олон улсын түвшинд хүрч манай улсын иргэд өөрийн эх орондоо дэлхийн түвшний тусламж үйлчилгээг авах боломж, бололцоо бүрдэн улам өргөжиж байгаа юм.


Сэтгэгдэл

МӨНХТАЙВАН БОЛ ХУДАЛЧ, ХУЛГАЙЧ ХҮН ШҮҮ. ДОКТОРЫН ХУУРАМЧ ДИПЛОМТОЙ [202.126.90.127] 2021-09-10 15:47:19

АДЬЯАГИЙН МӨНХТАЙВАН ГЭГЧ ЭНЭ ХҮН БОЛ ЭНЭ ЦАГИЙН ШИЛДЭГ ХУДАЛЧ, ХУЛГАЙЧ ХҮН. ОХУ-ААС ДОКТОРЫН ХУУРАМЧ ДИПЛОМТОЙ ГЭСЭН АЛБАН БИЧИГ ЭМЯ-НД ИРҮҮЛСЭЭР Р БАЙТАЛ УЛС ТҮҮНИЙГ ТООДОГГҮЙ, АЖИЛЛУУЛСААР ЭД ХӨРӨНГӨӨ ХУЛГАЙЛУУЛСААР Л БАЙДАГ. ИЙМ УЛС ОРОН ХӨГЖИХ ҮҮ??????

Ssssss [202.126.88.220] 2021-09-10 13:59:14

Munkhtaivan gegch avilgachnaa tusluus zailuulaachee.

Зочин [202.126.88.158] 2021-09-10 05:20:50

3р эмнэлгийн мэдрэлийн мэс заслынхан танил талдаа үйлчилдэг мөнгө харсан эмч нэртэй авилгачид байдаг юм байналээ


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.