Эрүүл мэндийн салбарынханд зориулж "МОНГОЛ БАХАРХАЛ" хүндэтгэлийн тоглолт боллоо

Aдмин / Эрүүл мэнд

Эрүүл мэндийн салбарынханд зориулж "МОНГОЛ БАХАРХАЛ" хүндэтгэлийн тоглолт зохион байгуулагдав. Энэ үеэр Эрүүл мэндийн сайд С.Энхболд хүрэлцэн ирсэн эмч эмнэлгийн ажилчиддаа хүндэтгэл үзүүлж үг хэллээ. Тэрээр “Коронавируст халдвар (КОВИД-19)-ын цар тахалтай тэмцэхэд 2 жилийн хугацаанд тасралтгүй тэргүүн эгнээнд ажиллаж буй эмч эмнэлгийн ажилчид та бүхэндээ хүндэтгэл үзүүлж Засгийн газрын нэрийн өмнөөс болон хувиасаа талархал илэрхийлж байна. Энэ он бол Эрүүл мэндийн салбарынхан бидний хувьд онцлогтой он байлаа. Дэлхий дахинд дэгдээд байгаа энэ цар тахлыг бид хамтын хүчээр даван гарах болно. Эмч эмнэлгийн ажилчид та бүхэн бол энэ цаг үеийн Монгол бахархал, цагаан нөмрөгт баатрууд билээ” хэмээв.


Улсын Дуурь Бүжгийн Эрдмийн театр, Эрүүл мэндийн яам хамтран "Монгол бахархал" тоглолтыг 2021 оны 11-р сарын 27,28-ны өдрүүдэд зохион байгуулав.




"Монгол бахархал" хүндэтгэлийн тоглолтод ДБЭТ-ын Гоцлол дуучин С.Мөнгөнцэцэг /МУГЖ/, Ө.Уянга /МУГЖ/, Б.Гомбо-Очир /МУСТА/, /Э.Отгонбат /МУСТА/, М.Дариймаа /МУСТА/, Б.Энхнаран /МУСТА/, Д.Эрдэнэ-Очир /МУСТА/, С.Бат-Эрдэнэ /МУСТА/, Б.Монголхүү, Балетын гоцлооч О.Анужин /МУГЖ/, Г.Батчимэг МУСТА, М.Нандинцэцэг /МУСТА/, Б.Баасансүрэн /МУСТА/, Д.Нацагдорж МУСТА, О.Даваадорж болон Удирдаач Ц.Гансүх /МУСТА/, Т.Гэрэлцэцэг /МУСТА/, ерөнхий балетмейстер Д.Дашлхагва, ерөнхий хормейстер Н.Дашбямба /МУСТА/, Симфони найрал хөгжимчид, Найрал дуучид, балетын жүжигчид, уран бүтээлчид оролцлоо. Мөн тоглолтод урилгаар Эрүүл мэндийн элч дуучин Б.Хангал /МУСТА/ болон Зэвсэгт Хүчний Жанжин Штабын Үлгэр Жишээ Үлээвэр Найрал хөгжмийн хамт олон, Хөтлөгч Б.Гантигмаа /МУСТА/ нар оролцсон юм. "МОНГОЛ БАХАРХАЛ" хүндэтгэлийн тоглолт ийнхүү 2 өдрийн турш амжилттай зохион байгуулагдлаа. Энэ цаг үед Монгол бахархал болж байгаа нийт Эрүүл мэндийн салбарынхандаа талархал илэрхийлье.










Сэтгэгдэл

Зочин [202.9.40.219] 2021-11-29 06:28:42

Тийм шүү хөдөө орон нутгийн эмнэлэгийнхан аас хэдэн хүн урьсийм бэ сайдаа? Ядаж төлөөлөл болгоод 100 хүн урьсан биз дээ. Хариулт авахымсан!

Зочин [203.98.77.101] 2021-11-29 04:30:32

ИХ Л ПОПРОХ ЮМАА ОЛЖ ЯДАХ ЮМ ДАА. ОДОО ТЭГЭЭД ДУУРИЙН ТЕАТРТ ЭМНЭЛГИЙН ХУВЦАСТАЙГАА ТОГЛОЛТ ҮЗЭЖ БАЙГААГАА СОЁЛТОЙ ГЭХ ҮҮ ЭСВЭЛ ХЯТАДЫН СОЁЛЫН ХУВЬСГАЛ ШИГ "МАН-ЫН СОЁЛ"-ТОЙ ГЭХ ҮҮ.... ЗҮГЭЭР Л ТОГЛОЛТОО ТОГЛООД ХҮМҮҮС ТЕАТРТ ИРЭХДЭЭ ХҮНДЭТГЭЖ ГОЁЖ ХУВЦАСЛАДАГ ТОДОРХОЙ ДРЕСС КОДЫН ДАГУУ ХУВЦАСЛАХАД Л БОЛОХ ЮМЫГ ИНГЭЖ ТУЙЛШРУУЛЖ, НЭГ ИХ СҮРХИЙ ТОМ АЖИЛ ХИЙСЭН МЭТ ПЯЛДАГАДАХ ХЭРЭГГҮЙ Л ЮМ. САНАА НЬ ЗӨВ ЮМ ШИГ БОЛОВЧ НИДЭР ДЭЭРЭЭ ХЭДЭН ХҮН ОЧИЖ ҮЗЭХ ВЭ, ЗҮГЭЭР ТЭР ОНЛАЙНААР ТВ-ЭЭР ГАРГАХАД Л БОЛОО ШҮҮ ДЭЭ. ХӨДӨӨ ОРОН НУТАГТ БАЙГАА ОЛОН ЭМНЭЛГИЙН АЖИЛТНУУДАД Ч ХҮРНЭ. ЯВЦУУ ХҮРЭЭНД, ЗӨВХӨН ДАРГА НАРТ НЬ ТААЛАГДАХ ГЭСЭН ИЙМ ПЯЛ ЮМАА БОЛИОЧ ДЭЭ МАН-ЫНХААН....


2 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.