Уул уурхайн компаниудад хамтарсан хяналт шалгалт хийнэ

Aдмин / Хууль

Мэргэжлийн хяналтын газрын даргын 2022 оны 02 дугаар сарын 29-ний өдөр баталсан удирдамжийн дагуу Төв аймгийн Заамар сумын Хайлааст багийн нутагт үйл ажиллагаа явуулдаг “Бүрдэл майнинг” ХХК-нд хяналт шалгалт хийсэн.

Тус компани 2020 онд Байгаль орчин аялал жуулчлалын яамаар “Байгаль орчны нөлөөллийн нарийвчилсан үнэлгээ”-г батлуулсан бөгөөд шүүрлийн усыг 80 хувь хүртэл дахин эргэлтээр ашиглахаар тусгасан.

Тодруулбал, эргэлтийн усан санд хуримтлуулж, илүүдэл усыг Заамар сумын Засаг даргын зөвшөөрөл, хяналт дор байгалийн голдиролд нийлүүлэхдээ сар тутам шинжилгээ хийлгэнэ гэсэн үүрэг хүлээсэн. Гэвч энэ шаардлагыг биелүүлээгүй нь мэргэжлийн хяналтын шалгалтаар илэрсэн тул Зөрчлийн тухай хуулийн дагуу торгуулийн арга хэмжээ авч, зөрчлийн үр дагаврыг арилгах арга хэмжээ авахуулах тухай улсын байцаагчийн албан даалгаврыг хүргүүлж ажилласан. Шүүрлийн ус, хөрснөөс шинжилгээ авч Мэргэжлийн хяналтын ерөнхий газрын Хүнсний аюулгүй байдлын үндэсний лавлагаа лабораторид хүргүүлээд байна.

Мөн Төв аймгийн Засаг даргын 2022 оны 07 дугаар сарын 28-ны өдөр баталсан захирамжийн дагуу ашигт малтмал олборлож буй иргэн, нөхөрлөл, аж ахуйн нэгж, байгууллагын үйл ажиллагаанд хяналт шалгалт хийх Ажлын хэсэгт аймгийн Мэргэжлийн хяналтын газар багтлаа.

Уг Ажлын хэсэгт Төв аймгийн ЗДТГ, Цагдаагийн газар, Байгаль орчин, аялал жуулчлалын газар, Газрын харилцаа, барилга хот байгуулалтын газар, сумдын Засаг даргын Тамгын газартай хамтран хяналт шалгалтын ажлыг гүйцэтгэх юм.


Сэтгэгдэл

Зочин [192.82.68.117] 2022-08-01 11:12:36

Иргэд 2 жил эсэргүүцэж, гомдол гаргасаар атал хортой нь тогтоогдтол арга хэмжээ авдаггүй төр нэг ийм. Хамгийн хөнөөлтэй нь тайлан баталж өгдөг БОАЖЯ-ны авилгачид


1 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.