Ажилд оруулна хэмээн 39 иргэнээс 256 сая төгрөг авч залилсан этгээдийг цагдаагийн байгууллагаас шалгаж байна.

Тодруулбал, Өмнөговь аймагт “Оюутолгой ХХК-д үндсэн ажилчнаар ажилд оруулж өгнө” гэх нэрийдлээр орон нутгийн нийт 39 иргэнээс 2022 онд нийт 256 сая төгрөг авч залилсан талаарх хэргийг Өмнөговь аймгийн цагдаагийн газраас шалгаж байна.

Иймд иргэд та бүхэн баталгаагүй эх сурвалжид итгэхгүй байх, бусдын данс руу мөнгөн гүйлгээ хийхгүй байхыг цагдаагийн байгууллагаас анхааруулж байна.