Манай улс экспортоо нэмэгдүүлж, валютын орох урсгалыг нэмэх, ханшийг тогтворжуулан, төлбөрийн тэнцлийг сайжруулах, импортыг орлох үйлдвэрлэлийг хөгжүүлэх замаар эдийн засгаа тогтворжуулах бодлого хэрэгжүүлж буй. Энэхүү зорилтоо хэрэгжүүлэхэд нэгэн тоотой боломж үүсээд байна. Энэ бол манай улсын экспортын гол бүтээгдэхүн болох зэсийн үнэ нэмэгдэж буй явдал юм.

Зэсийн үнийг 2023 оны улсын төсөвт 8400 ам.доллар хэмээн төлөвлөсөн бол өнөөдрийн байдлаар дэлхийн зах зээл дээр 9000 орчим ам.долларт хүрээд байна. Энэ ханшаар тооцоход 185 сая ам.долларын нэмэлт орлого олох боломж бүрдэж байгаа юм. Олон улсын нэр хүнд бүхий санхүүгийн байгууллагууд зэсийн үнийг 11000 орчим ам.долларт хүрэх таамаг гаргасан. Хэрэв энэ таамаглал биелэлээ олбол экспортын орлого 600 орчим сая ам.долларт хүрэх боломж бий