2022 он хүртэл тоо мэдээгээр 449 хүүхэд ямар нэг гэнэтийн осол эндэгдэл, хүчирхийлэл,аюултай байдлын улмаар амиа алджээ. Харамсалтай нь тоо жил ирэх тутам нэмэгдэх хандлагатай. Улсын хэмжээнд 2020 оны нэгдүгээр сарын 1-нээс 2023 оны наймдугаар сарын 1-ний байдлаар: авто ослоор 228 хүүхэд амиа алдсан байна.

Согтуу жолоочийн тоо 151,212 бол тэднээс 31,166 нь эргээд замын хөдөлгөөнд оролцон журамлагджээ. Гэмтэл согог судлалын үндэсний төвд /ГССҮТ/ сүүлийн гурван жилийн хугацаанд ахуйн хүрээнд буюу гэртээ гэмтэж бэртсэн 157 мянган хүүхэд бүртгэгдсэнээс 333 хүүхэд нас баржээ.

Тодруулбал, 2019 онд 24 мянга, 2020 онд 28 мянга, 2021 онд 29 мянган хүүхэд гэмтсэн байна. 2021 онд улсын хэмжээнд гэмтэл хордлого, гаднын шалтгаант нас баралтын 3,026 тохиолдол бүртгэгджээ. Үүнээс 7.7 хувийг нь 0-15 хүртэлх насны хүүхдүүд эзэлж байна. Бяцхан үрс томчуудын хариуцлагагүй байдлаас болж алтан амиа алддаг дэндүү харамсалтай, хэнэггүй цаг үе болжээ.

Үр хүүхдээ хайхардаггүй, амьтнаас дор сэтгэхүйтэй нийгмийн доройтол лавширсаар байвал энэ оронд дараа дараагийн үе өсөж өндийх нь нэн бүрхэг болох уу? Товчхондоо Монголчууд бид хүүхдүүдээ машинаар дайрч, утаанд хордуулж, гэмт хэргийн золиос болгон харгисаар хядсаар байх уу?

Д.Энхбат