Волейболын спорт сонирхогчдын хүсэн хүлээдэг “Бүх оддын тоглолт” ирэх сарын 1-ний ням гарагт “Степп арена”-д болно. Энэхүү эвентэд оролцох шилдэг волейболчдыг үзэгчдийн санал асуулгаар тодруулсан бөгөөд хамгийн олон санал авсан тамирчдыг хоёр багт хуваан, албан ёсоор нэрийг нь зарлав.

Үзэгчдээс олон санал авсан ч зарим тамирчин залуучууддаа боломж олгох үүднээс “Бүх оддын тоглолт”-оос татгалзсан байна.

Үзэгчдийн санал асуулгаар “Холимог оддын тоглолт”-д улсын аварга О.Хангай, жүжигчин М.Баярбат, О.Тэмүүжин, мисс З.Номинзул, жүжигчин Г.Отгонтуяа, сагсан бөмбөгийн тамирчин Б.Мөнхболд, дугуйгаар аялагч Б.Очирваань тэргүүтэй урлаг, соёл, спорт, загварын 18 олны танил эрхэм оролцохоор болжээ.

Б.ЖАРГАЛ