ОХУ-ын Ерөнхийлөгч Владимир Путин "Россия-1" телевизийн сэтгүүлч Саида Медведева, Павел Зарубин нарын "Орос. Кремль. Путин. 25 жил" баримтат кинонд өгсөн ярилцлагадаа “Орос улс дайн эхлүүлэх бодолгүй байсан бөгөөд Донбассын асуудлыг чин сэтгэлээсээ тайван замаар шийдвэрлэхийг эрмэлзэж байсан” гэж ярьжээ.

Путин цэргийн тусгай ажиллагааг яагаад өмнө нь эхлүүлээгүй талаар хэлэхдээ "Би ‘Минскийн хэлэлцээрийн хэрэгжилтэд’ итгэхийг хүссэн. Учир нь Орос яг л ийм байдалд байсан" хэмээсэн байна.

Оросын удирдагч "Бид аюулгүй байдал, зэвсэгт хүчин, эдийн засаг, санхүүгийн салбарт зохих ажил хийхгүйгээр ямар нэг огцом үйл ажиллагаа эхлүүлнэ гэдэгт итгэж чадахгүй байсан. Гэвч үүнд тусгайлан бэлдээгүй.

Бид Донбассын асуудлыг энхийн замаар шийдвэрлэхийг чин сэтгэлээсээ эрмэлзсэн” гэж онцлоод, “Нөгөө тал өөрөөр бодож, үйлдэл хийсэн нь илэрсэн” гэж онцолжээ.

Эх сурвалж: TASS
Б.ЖАРГАЛ