Москва бүсийн нисэх онгоцны буудлуудад 35 гаруй нислэг саатаж, заримыг нь цуцалсан байна. Энэ талаар Шереметьево, Внуково, Домодедово болон Жуковский нисэх онгоцны буудлын хяналтын самбарт мэдээлжээ.

ОХУ-ын Нийслэлийн тээврийн газраас өмнө нь "Манангийн улмаас харагдах байдал 200-700 метр хүртэл муудна" гэж мэдээлсэн байна. Тухайлбал, 10:30 цагийн байдлаар "Шереметьево"-д 9 нислэг нэг цаг гаруй хугацаагаар, Внуковод 18 нислэг; Домодедовод 4 нислэг тус тус саатсан бол Домодедовод 1 нислэг, Жуковскийд 4 нислэг цуцлагджээ.

01:20 цагийн байдлаар Внуково болон Шереметьево нисэх онгоцны буудлуудад тус бүр 18 нислэг саатсан байна. Домодедово болон Жуковскийд тус бүр хоёр нислэг цуцлагдсан бөгөөд Домодедовод хоёр нислэг саатсан аж.

05:20 цагийн байдлаар Внуково нисэх онгоцны буудалд 14 нислэг, Шереметьевод дараагийн хэдэн цагт 5 нислэг саатсан байна. Домодедово болон Жуковскийд тус бүр 3 нислэг цуцлагдсан бөгөөд Домодедовод хоёр нислэг саатсан байна.

"Росавиаци" нислэгийн сааталтай холбоотой статистик мэдээлэлд чартер болон энгийн нислэгийн саатлыг хоёр цагаас бага хугацаагаар тооцохгүйг анхааруулжээ. Учир нь, эдгээр саатал нь нисэх онгоцны буудлуудын хувьд ердийн үзэгдэл аж. Мөн Москвагийн бүх нисэх онгоцны буудал цаг агаарын ямар ч нөхцөлд ажилладаг тул нислэгийн хуваарьт өөрчлөлт орох нь энгийн зүйл бөгөөд ихэвчлэн бага зэргийн өөрчлөлт оруулдаг байна.

Эх сурвалж: TASS
Б.ЖАРГАЛ