Нотариатчийн үйл ажиллагаанд хяналт тавих асуудлаар уулзалт хийлээ

Aдмин / Хууль

Хууль зүй, дотоод хэргийн яамны Бодлогын хэрэгжилтийг зохицуулах газрын дарга Э.Энхтуяа Монголын нотариатчдын танхимын Ерөнхийлөгч Ч.Баянжаргал болон холбогдох албаны хүмүүс өнөөдөр /2021.09.20/ мөнгө угаах, терроризмыг санхүүжүүлэхтэй тэмцэх чиглэлээр нотариатчийн үйл ажиллагаанд хяналт тавих асуудлаар уулзалт хийлээ.

Уулзалтад Монголбанкны дэргэдэх Санхүүгийн мэдээллийн албаны хэлтсийн захирал Л.Очгэрэл оролцож, Санхүүгийн мэдээллийн албанаас нотариатын салбарт зориулан боловсруулсан Мөнгө угаах, терроризмыг санхүүжүүлэхтэй тэмцэх эрсдэлд суурилсан үйл ажиллагааг хэрэгжүүлэх гарын авлага, Олон Улсын нотариатын холбооноос гаргасан эрсдэлийн дохио гарын авлагын орчуулга, Санхүүгийн мэдээллийн албанд мэдээлэх үүрэгтэй этгээдээс цахимаар мэдээлэл ирүүлэх журмын дагуу тайлан бөглөх заавар, зөвлөмжийг танилцууллаа. Мөн энэ үеэр албаныхан нотариатчийн Мөнгө угаах болон терроризмыг санхүүжүүлэхтэй тэмцэх тухай хуулиар хүлээсэн үүрэг болоод үүргээ биелүүлж байгаад хяналт тавих ажлыг хэрхэн үр дүнтэй хэрэгжүүлэх талаар ярилцаж, санал солилцоо.

Уулзалтын төгсгөлд тус яманы Бодлогын хэрэгжилтийг зохицуулах газрын дарга Э.Энхтуяа нотариатчаас хуульд заасан үүргээ хангалтгүй биелүүлсэн, хяналт шалгалтын ажлыг зохих ёсоор хэрэгжүүлээгүй тохиолдолд зөрчлийн болон эрүүгийн хэрэгт холбогдож болох эрсдэлийг тодорхой жишээ, баримт дээр тайлбарлаж, холбогдох асуудлаар хэд хэдэн үүрэг чиглэлийг өглөө гэж Хууль зүй, дотоод хэргийн яамнаас мэдээллээ.


Сэтгэгдэл

Амжилт хүсье. [202.131.225.53] 2021-09-21 10:12:03

Нотариатчид ШИНЭ удирдлагатай болсон байна. Одоо эрх биш энэ байгууллагын үйл ажиллагаанд ӨӨРЧЛӨЛТ, ШИНЭЧЛЭЛТ гаргах ёстой. АМЖИЛТ ХҮСЬЕ !!! Хууль зүйн яамтайгаа тулж ажиллаад Монголын эрх зүйн орчныг улам төгөлдөр, иргэдэд ЭЭЛТЭЙ, тэдний эрхийг сайтар ХАМГААЛСАН байдалтай, бизнесүүдэд ТУСТАЙ болгох хэрэгтэй. Зөвхөн бичгийн хуулбар хийж батладаг байгууллага БИШ ШҮҮ.

Зочин [202.9.46.210] 2021-09-20 11:15:31

Нотариатчдад үргэлж хяналт тавьж байх хэрэгтэй.


2 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.