Францын улс төрч Флориан Филиппот X олон нийтийн сүлжээгээр дамжуулан “Владимир Зеленский тавдугаар сарын 9-нд Москвад айлчлах дэлхийн удирдагчдыг заналхийлээд, үнэхээр солиорчихож” хэмээн мэдэгджээ.

Тэр "Зеленский бүрмөсөн галзуурч! Түүнийг Макрон, Европын холбоо болон хяналтаас гарч буй глобалист мафи бүхэлдээ ийм бодлогогүй алхам хийхэд хүргэж байна" гэж тэмдэглэсэн байна.

Филиппо мөргөлдөөнийг хурцатгаж буй явдлуудыг зогсоож, энх тайван тогтоохыг уриалжээ.

ОХУ Ялалтын 80 жилийн ойн өдрүүдэд буюу тавдугаар сарын 7-ноос 8-нд шилжих шөнийн 00:00 цагаас тавдугаар сарын 10-наас 11-нд шилжих шөнийн 00:00 цаг хүртэл гал зогсоохоо зарласан. Кремль “Энэ хугацаанд байлдааны бүх ажиллагааг зогсоно” гэж мэдээлсэн билээ.

“Франц Пресс” агентлагийн мэдээлснээр, Зеленский Ялалтын баярын үеэр ОХУ-ын тавьсан гал зогсоох саналыг няцааж, "Киев тавдугаар сарын 9-ний парадад Москвад ирэх гадаадын зочдын аюулгүй байдлыг хангаж чадахгүй" гэж мэдэгджээ.

Эх сурвалж: RIA NOVOSTI
Б.ЖАРГАЛ