“АНУ-ын Ерөнхийлөгч Дональд Трамп Украины мөргөлдөөний асуудлаас зайлсхийж буйгаа харуулж байна” гэж “The New York Times” (NYT) сонин дүгнэн бичжээ.

Нэгэн эх сурвалжийн мэдээлснээр, Цагаан ордны тэргүүн Дональд Трамп Украины мөргөлдөөний асуудлаас аль болох зай барьж буй аж. АНУ-ын дэд ерөнхийлөгч Жэй Ди Вэнс олон нийтэд хандан өмнө нь АНУ “зохицуулалтын үйл явцаас гарахад тун нээлттэй" хэмээн хэлжээ.

Түүнчлэн “The New York Times” сонинд дурдсанаар, Трамп ОХУ-ын эсрэг авсан хориг арга хэмжээнд нэгдэх үүрэг амлалтаасаа "ухарч байгаа" аж.

АНУ-ын Ерөнхийлөгч Дональд Трамп өмнө нь мэдэгдэл хийхдээ Украины Ерөнхийлөгч Владимир Зеленскийн мэдэгдлүүд байнга Украинд асуудал үүсгэдэг. ОХУ-аас Украины обьектуудад сүүлийн үед эрчимтэй цохилт өгч байгаад сэтгэл дундуур байна” гэж хэлжээ.

Трампын хэлснээр, ОХУ-ын эрх баригчид Украины нутаг дэвсгэрийг бүхлээр нь авах гэсэн онолын (гипотетик) хүсэлтэй байж болох ба энэ нь эцэстээ “Оросыг сүйрэлд хүргэж болзошгүй” аж. Гэвч тэрбээр энэ талаар дэлгэрэнгүй тайлбарлаагүй байна.

ОХУ-ын Ерөнхийлөгчийн хэвлэлийн төлөөлөгч Дмитрий Песковын онцолсноор, ОХУ-ын Агаар-сансрын хүчин Украины цэргийн обьектуудад цохилт өгсөнд АНУ-ын Ерөнхийлөгчийн үзүүлсэн сэтгэл хөдлөлтэй хандлага нь хэлэлцээний үйл явцын ач холбогдолтой холбоотой байж болзошгүй аж.

Эх сурвалж: ТASS
Б.ЖАРГАЛ