Италид хөл хорио гуравдугаар сарын 12-нд эхэлсэн бөгөөд 14 хоног үргэлжлэх байсныг тус улсын эрх баригчид дахин сунгахаар шийджээ. Засгийн газрын зүгээс бүх иргэнд онцын шаардлагагүй бол гэрээсээ гарахгүй байхыг зөвлөж, бүх үйлчилгээний газрууд болон баар, рестораныг түр хугацаагаар хаагаад байгаа юм.

Хөл хориотой холбогдуулан гуравдугаар сарын 13-нд буюу өнгөрсөн баасан гарагт мянга мянган италичууд алсын зайнаас нэгдэж, улс даяар "Sound flash mob"-ыг зохион байгуулжээ. Энэхүү арга хэмжээний зорилго нь улс оронд нь дэгдээд буй COVID-19-н эсрэг тэмцэхэд чиглэж байв.

Тус флашмобын үеэр Италичууд хэрхэн хоорондоо холбогдож байгааг гэрэл зургаар дамжуулан REUTERS агентлаг онцолсныг хүргэж байна.

Эх сурвалж: Reuters