Монгол орны аялал жуулчлалын гол чиглэлд 200 км тутамд үйлчилгээний цогцолбор, 100 км тутамд түр зогсоол байгуулна

Aдмин / Хууль

Аялал жуулчлалыг хөгжүүлэх үндэсний хөтөлбөрийн хүрээнд “жуулчдын ая тухтай, аюулгүй зорчих нөхцөлийг бүрдүүлэх, аялал жуулчлалын гол чиглэлд, зам дагуу түр буудаллах цэгүүд, боловсон ариун цэврийн газар, хүнсний дэлгүүр, шатахуун түгээх станц, хоолны газар бүхий үйлчилгээний цогцолборуудыг төр хувийн хэвшлийн түншлэлийн хүрээнд байгуулах ажлыг Байгаль орчин, аялал жуулчлалын яам, Зам тээврийн хөгжлийн яам хамтран хэрэгжүүлж байгаа. Энэ асуудлаар Байгаль орчин, аялал жуулчлалын сайд Н.Уртнасан, Зам, тээврийн хөгжлийн сайд Л.Халтар, Монголын худалдаа, аж үйлдвэрийн тэнхимийн дарга Т.Дүүрэн болон холбогдох албаныхан цахимаар хуралдлаа.

Түр буудаллах цэг, үйлчилгээний цогцолбор нь A, B, C гэсэн гурван төрлийн ангилалтай байна. А ангиллын хувьд хоногт 10 мянгаас дээш тээврийн хэрэгсэл зорчих улсын чанартай авто зам дагуу, Б ангилал нь 5-10 мянга хүртэл тээврийн хэрэгсэл зорчих, С ангиллын хувьд 5000 хүртэлх тээврийн хэрэгсэл зорчих улсын чанартай авто зам дагуу байрлах юм. Улсын хэмжээнд нийт 31 байршилд олон улсын жишиг стандартын дагуу байгуулахаар зураг, төсвийг боловсруулж, батлуулсан. Цогцолборуудыг байгуулах байршлын судалгааг Байгаль орчин, аялал жуулчлалын яамнаас санал болгосны дагуу Японы ЖАЙКА байгууллагын дэмжлэгтэйгээр хоёр яам болон, аймгуудын Засаг даргын тамгын газруудтай хамтарсан ажлын хэсэг байгуулагдаж, 30 цэгийг эцэслэж тогтоод байна. Мөн тогтсон цэгүүдийг сум, аймгийн Иргэдийн төллөөгчдийн хурлаар тусгай хэрэгцээнд авах шийдвэрийг албажуулах ажлуудыг 2021 оны эхний улиралд зохион байгуулж, нийт 21 байршлын шийдвэрийг албажуулаад байгаа юм.

Байгаль орчин, аялал жуулчлалын сайд Н.Уртнасан

“Тус цогцолборуудыг байгуулах ажлыг түргэвчлэхийн тулд нэгэнт тогтсон байршлууддаа хувийн хэвшлийг оруулах шаардлагатай байгааг онцоллоо. Ажлын үндсэн хэрэгжүүлэгч нь Зам тээврийн хөгжлийн яам байгаад, Үндэсний Худалдаа Аж Үйлдвэрийн танхим, орон нутгийн удирдлагуудтай хамтран ажиллаад явах нь зүйтэй”

гэсэн саналыг хэллээ. Мөн тогтсон цэгүүдийг өөрчлөх асуудлаа яаравчлан шийдвэрлээд маргаангүй болгох, цэгүүдийг тогтоохдоо орон нутгийн онцлогийг харгалзан үзэх нь зүйтэй гэв.

Зам, тээврийн хөгжлийн сайд Л.Халтар хувийн хэвшлүүдийг оруулах саналыг дэмжээд, энэ ажлыг Худалдаа аж үйлдвэрийн танхимээс шилдэг байгууллагууддаа санал тавьж хамтран ажиллах нь зүйтэй гэсэн санал гаргав.

Ингээд 200 км тутамд үйлчилгээний цогцолбор, 100 км тутамд түр зогсоол байгуулах, ингэхдээ стандартыг нарийн баримтлах ёстой гэдэгт санал нэгдэв. Ижил төрлийн үйлчилгээ явуулахыг орон нутгаас хязгаарлаж эхнээсээ гэрээ хэлэлцээрээ гуравласан болон дөрвөн талт байдлаар шийдвэрлэх нь зүйтэй. Ингэснээр төсөлд орж ажиллах хувийн хэвшлүүдээ бодитоор дэмжих юм гэдгийг Н.Уртнасан сайд онцолсон юм. Зам дагуу түр буудаллах цэг, үйлчилгээний цогцолборыг байгуулах шалгаруулалтыг дээрх хоёр яамнаас хамтарсан тушаал гаргаж, ажлын удирдамжийг батлаад, Худалдаа аж үйлдвэрийн тэнхимийн төлөөллийг оруулан хамтран зохион байгуулах байдлаар явуулъя гэдэгт саналд нэгдлээ. Түр буудаллах цэгт авто зогсоол, шатахуун түгээх станц, авто үйлчилгээний газар, машин угаалга, түргэн үйлчилгээний ресторан, зочид буудлын үйлчилгээ, ариун цэврийн байгууламж, худалдаа байхаас гадна эрүүл мэндийн тусламж үйлчилгээтэй байх юм байна.


Сэтгэгдэл

Иргэн [192.82.65.47] 2021-06-18 05:37:59

Төр ингэж төсвийн мөнгөөр бүх зүйлийг хийхдээ өөрийн ойрын компаниудад бэлэн ажил гаргаж өгч байгаа үед шударга өрсөлдөөн яриад ч хэрэггүй. Газар, дэд бүтцээ шийдэхэд хувийн хэвшлээ дэмжээд тэдний бизнес болгомоор юм. Тэгэхгүй бол энэ ашиггүй олон төрийн өмчит компаниудыг тоог л нэмэхээр өөр үр дүн гарахгүй.

Зочин [103.80.210.183] 2021-06-18 04:57:18

арай хол бус уу? мөхөс б болгоохдоо 10км байвал дээргэж сэтгэнэм.

Зочин [66.181.161.2] 2021-06-18 04:29:23

Butdeg bol saihan sanaa bna. Manaihan yaridag tsaas uildverledeg gadniihan yaridaggui dandaa hiideg. Hogni savaa l zuv gazraa bairluulj duurenguut ni zuuj teeverleh asuudlaa shiideerei dee.


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.