Цэргийн албаны дэглэлт буюу офицер, алба хаагчдын ярьсан бодит кейсүүд

Aдмин / Хууль

Монгол Улс хүнлэг энэрэнгүй, ардчилсан нийгэм бүтээснээ тунхагладаг ч энх цагт эр цэргүүдээ алдсаар байгаа нь гашуун үнэн. Цэргийн албаны дэглэлт бие махбодь, сэтгэл санаа, эдийн засаг, бэлгийн хүчирхийллийн хэлбэрээр илэрч байгааг харуулсан судалгаа олон бий.

Өөрөөр хэлбэл, цэргийн дүрмийн бус дэглэлтийн хуучин арга хэлбэр өнөөг хүртэл арилаагүй. Энэ байдал хүний амь нас, эрүүл мэнд хохирох, цэргийн албанаас оргон зайлах болон цэргийн албаны эсрэг ноцтой гэмт хэрэг, зөрчил үйлдэгдэх шалтгаан нөхцөл болж байгаа нь ХЭҮК-ын судалгаанаас харагдаж байна. Зэвсэгт хүчин, батлан хамгаалах салбарт шигдэж хүний эрхийг бүдүүлгээр зөрчиж, амь насанд халдаж буй эдгээр кейсүүд үе үеийн Батлан хамгаалахын сайд нарын үед байсан.

Өнөөдөр салбарыг удирдаж байгаа бригадын генерал Г.Сайханбаярын үед ч амь бөхтэй оршсоор буйг онцлох нь зүйтэй.

Гагцхүү хэн нэгэн “нүүрээ” хамгаалахын тулд урт хугацаанд хийсэн мэргэжлийн байгууллагын судалгааг үг хэлээрээ үгүйсгэж болох ч цэргийн анги байгууллагад бодитоор оршиж буйг халхавчлах аргагүй юм. Бид энэ удаад цэргийн албаны дэглэлтийг салбарт нь ажиллаж буй офицер ахлагч хүлээн зөвшөөрч, дэргэдээс нь харж, биеэрээ туулж буй хугацаат цэргийн алба хаагчид юу гэж ярьсныг зөвхөн баримт буюу кейсээр хүргэж байна.

Кейс 1

...Олон хүн дотор янз янзын нөхөд бий шүү дээ. Зарим нэг байгаа байдал нь цаанаасаа нэг зэвүүн нөхдүүдийг цэргийн хүн чинь нэг тийм сүр үзүүлэх гэж, хатуу юм үзүүлчих гээд байдаг хандлага гаргадаг. Тэр утгаараа зоддог, нүддэг юм бий. Салаан захирагчаар заставт байхдаа би өөрөө бас яг тийм үзэл, хандлагатай байсан. Жишээ нь бусдыг уруу татаад архи уучихдаг, нэг нөхрийг хүнгүй газар аваачиж байгаад даргаас нь нууж байгаад зоддог л байсан. Согтуу архи уучихсан баригдвал даргад хэлэхгүйгээр гавлаж байгаад ус цацаад архийг нь гартал суниалгаад дэглэж л байсан. Гэхдээ тэр үеийн цэргүүдийг бодвол одоо гайгүй болчихсон байх аа...

(Зэвсэгт хүчний ангид ажиллаж буй офицертой хийсэн ганцаарчилсан ярилцлагаас)

Кейс-2

...2021 оны .. дугаар сарын ..-ны өдөр унтлагын цаг болчихсон бүх цэргүүд амрах гэж байхад дэслэгч ... нэлээд согтуу орж ирээд соёл амралтын өрөөнд нэр бүхий 15 цэргийг хоёр эгнээ болгон суулгаж байгаад яриа хийсэн. Нүүрэн талын эгнээнд талийгаач сууж байсан ба дэслэгч ...хуруугаараа зааж босох команд өгсөн тэгээд нэг шанаа авч чадах уу гэж талийгаачаас асуусан боловч дуугүй зогсоод байсан гэтэл элгэн тус газар 2-3 удаа хүчтэй цохиод, тонгойх зуур нүүрэн тус газар хөлөөрөө цохисон, талийгаач босоод ирэхэд нь дахин нүүр рүү нь хүчтэй 2-3 удаа цохих үед хойшоо унаад дахиж босож ирээгүй. Ингээд 10 минутын дараа эмч дуудсан. Дэслэгч ... өмнө нь согтуу хэд хэдэн удаа цэргийн анги байрлал дээр явж байдаг байсан...

(Зэвсэгт хүчний ... дүгээр ангийн хугацаат цэргийн алба хаагчидтай хийсэн ярилцлагаас)

Кейс-3

...Шүүгдэгчийн өгсөн мэдүүлгээс “...миний гар урд өдөр нь хавдсан байсан”...харуулын даргад “... даргаа миний гар өвдөөд байна би застав руу буцъя, та заставаас бүлэг дуудаад өг, миний бие болохгүй байна...” гэж хэлсэн. Дарга тэрийг сонсоод уурлаж харуулын байрны том өрөөнд хоёр АКМ маркийн буу ил байсныг аваад намайг гал тогооны өрөөнд оруулж зодсон.

Бууны бөгсөөр цээжин тус газар хэд хэдэн удаа цохисон, ташаан толгой руу цохисон. Тэгээд би өвдөөд уйлсан. Хамгийн сүүлд миний идээлсэн гар руу цохисон ... нэг магазин сум өгсөн..... би хоёр бай буудаж үзсэн... айгаад намайг зодох нь гэж бодсон... нэг мэдэхэд хүний аминд хүрсэн байсан...” ....Хугацаат цэргийн алба хаагчидтай дүрмийн бусаар харьцаж зоддог, дарамталдаг, дэглэдэг байсан нь тогтоогдсон тул хөнгөрүүлж үзэх үндэслэлтэй...

(Сум дундын эрүүгийн хэргийн анхан шатны шүүхийн ... дугаар шийтгэх тогтоолоос)

Кейс-4

-Эхэндээ шинэ цэрэг байлаа гэхэд бүгд л ямар нэгэн байдлаар дарамтад өртдөг... Ялангуяа шинэхэн офицерууд ахлагч нараа, ахлагч нар хал цэргүүдийг, хал цэргүүд шинэ цэргээ дарамталдаг.. Гол нь халуудыг шинэ цэргүүдээ сайн сургахгүй байна гээд зодно... цустай нь хутгана шүү дээ, тэгээд л маргааш нь халуунд шинэ цэргүүдийг дарамтална.. Алчуураар гараа ороож байгаад нүүр рүү цохино, тэгэхээр нүүр ам хавдахгүй, ул мөр үлддэггүй... Мөн алчуур эрчлэн ороож байгаад толгой руу шавхуурдахад чих дүүрээд л, толгой манараад л ухаан алдсан байдаг... Нэг удаа шавхуурдахад ухаан алдаагүй “шийртэй” нөхрийг ухаан алдтал нь шавхуурдана. Үүнийг нь “хоохордох” гэдэг. Ёстой аймаар шүү дээ, шавхуурдуулсны дараа хэдэн өдөр толгой өвдөж, дүйнгэтээд чих шуугиад байдаг юм билээ. Мөн “тугны иш” гэдэг дэглэлт байдаг. Тэр нь гар дээр нь тулж хэвтүүлээд өгзөг рүү нь гуталны өсгийгөөр цохих эсвэл тугны иш шиг бүдүүн модон саваагаар цохидог. Тэгж цохиулсан хүн зүгээр зогсох аргагүй, маш их өвдөөд байж ядаад дороо дэвхцэх эсвэл хаашаа ч хамаагүй хар тэнхээгээрээ гүйж өгнө дөө... Бас том сав, аягаар дүүрэн цай эсвэл хоолоор шахаад бүсийг нь чангалчихдаг, тэгээд тамхи татуулах, эсвэл хоолны дараа шууд 1 км орчим газарт гүйлгэнэ, тэгэхээр шууд бөөлжинө шүү дээ.. зарим нь өмдөндөө “авчихна”, тэгэхээр нь ахиад л зодно.. Бойтог цэргүүд л их дарамтлуулна...

(ЗХ-ний ...дугаар ангид 2021 онд хугацаат цэргийн алба хаасан иргэний ярилцлагаас)

Кейс-5

...Манай дарга нар их бүдүүлэг, ёс суртахуунгүй ш дээ... бүдүүлэг, бүдүүлэг үг хэлнэ, хүнийг янз бүрийн нэр хоч өгч дуудна, хэл амаар доромжилно, тэр нэг хачин юм, авгай шиг юм гэх мэтээр сэтгэлээр унатал нь доромжилдог...

(Зэвсэгт хүчний ангид ажиллаж буй офицертой хийсэн ганцаарчилсан ярилцлагаас)

Кейс-6

...2019 оны ... дугаар..-ны өдөр ... дугаар ангийн ... дугаар заставт ...... гэх газарт хугацаат цэрэг модноос боож нас барсан гэмт хэрэг гарсан. ...гэрчийн мэдүүлгээр “Цэргийн албанд хэрэггүй иржээ, ард амьдралаар амьдрах юмсан, би ямар газар ирчихвээ, ард байхад эрх чөлөөтэй сайхан байжээ, нуугаад яахав үнэхээр шантарч байна.” гэж ярьж байсан.....

(Прокурорын ... дугаар тогтоол)

Кейс-7

...Зэвсэгт хүчний... дугаар анги, “...байлдагч ...-ийн ар гэрээс шилжүүлсэн 50000 төгрөгийг хувийн дансаар авсан, түүнийгээ хувьдаа хэрэглэж 2021 оны ... дүгээр сарын... -ний өдөр захисан эд зүйлийг нь буцаан авч өгсөн гэх тайлбарыг өгсөн....

(ХЭҮК-ын хяналт шалгалтын илтгэх хуудас

Кейс-8

...Зэвсэгт хүчний ... дугаар анги “...чөлөөгөөр гарах үед захирагч нь өөрийн гар утасны батарей, микрофоныг засуулаад ир гээд утсаа өгсөн. Түүнийг засуулах 80000 төгрөг байхгүй тул чадаагүй, зодуулахаас айсан учраас ангийн байрлалд эргэн ирээгүй явсан.... улмаар 2015 оны...дүгээр сарын...-ны өдөр сургуулиас компьютер хулгай хийсэн гэмт хэрэгт холбогджээ.

(Сум дундын ... дугаар шүүхийн шийтгэх тогтоол)

Кейс-9

.... Ер нь бол хэд хэдэн удаа мөнгө шилжүүлж авсан. Яах гэж байгаа юм бэ гэхээр “хэрэг байнаа” л гэдэг байсан. Миний хүү тамхи татдаггүй. Бид хөдөө мал дээр байдаг хүмүүс учраас ах, дүү нартаа хэлж байж хэд хэдэн удаа мөнгө шилжүүлсэн. Одоо би мөнгө шилжүүлж байсан баримтаа цуглуулах санаатай байна. Миний санаж байгаагаар цэрэгт очоод удаагүй байхдаа 40.000 төгрөг авсан. Мөн цагаан сараас өмнө ах дүү нараасаа маш олон удаа мөнгө нэхсэн байсан.

(ХЭҮК-оос гэмт хэрэгт холбогдсон хугацаат цэргийн алба хаагчийн ар гэртэй нь хийсэн ярилцлагын тэмдэглэлээс)

Кейс-10

...Зэвсэгт хүчин...“Бэлэг эрхтэнээр байнга оролддог байсан. Ийм байснаас үхсэн нь дээр гэж бодож байсан... Нэр хүнд минь олны өмнө гутаагдсан”

(2017 онд халагдсан цэргийн алба хаасан иргэний тэмдэглэлээс)

Кейс-11

...Хилийн цэрэг.... намайг хониндоо яв “П” минь, түлш оруул, хоол хий гэж байнга зодоод байсан. Тэгээд орой болгон миний эм болно шүү гээд намайг тонгой гээд бэлгийн дур хүслээ ёс бусаар хангадаг байсан... 22:00 цагийн үед....

(Сум дундын ... дугаар шүүхийн шийтгэх тогтоол)

Кейс-12

...Зэвсэгт хүчний анги ... 2021 оны ... дугаар сард түрүүч нарыг үгэнд орсонгүй гэсэн шалтгаанаар 2 дугаар ротын 16 тоот дасгалын 14 дүгээр байрлалаар 30-40 минут зогсоосон тул ахлагчид сахилгын шийтгэл оногдуулах нь зүйтэй....

(ХЭҮК-ын хяналт шалгалтын материал)

Кейс-13

..Хилийн цэргийн ... дүгээр ангийн заставын нэр бүхий гурван алба хаагч үүрэг даалгавар биелүүлээгүй гэсэн шалтгаанаар хугацаат цэргийн 17 алба хаагчийг 2020 оны...сараас 2021 оны .... сар хүртэл дүрмийн бус харьцаж, их хэмжээгээр ус уулгах, нэгийг нөгөөгөөр нь цохиулах, суниалгах, бөөлжүүлэх зэргээр дүрмийн бус аргаар шийтгэсэн...

(ХЭҮК-ын ажилтан гэмт хэрэгт холбогдсон цэргийн алба хаагчтай хийсэн ярилцлагаас)

Кейс-14

...Зэвсэгт хүчний .. дугаар ангийн цэргийн гал тогоо, хугацаат цэргийн алба хаагчдын халуун усны өрөө, ажилчдын ариун цэврийн өрөө зэрэг нь авто баазын гражийн зориулалттай барилгад байрлаж, дээврээс хурын ус гоождог, дулаан их алддаг, төвлөрсөн усан хангамж, ариутгах татуургад холбогдоогүй, агааржуулалтын системгүй, тоосгоны бат бэх, усанд тэсвэрлэх чадамж буурсан, зарим дам нуруу, багана суулт өгсөн, дотор, гадна шавардлага ховхорсон, ан цав үүссэн, барилгын хаяавч хагаралтай, суурь руу хөрсний ус орох нөхцөл бүрдсэн, дулааны шугам сүлжээ муудсан, ус гоождог зэргээр эрүүл, ахуй болон барилгын стандартын шаардлага хангахгүй орчин нөхцөлд тус тус үйл ажиллагаа явуулж...

(Мэргэжлийн хяналтын улсын байцаагчийн дүгнэлтээс)

Кейс-15

..Зэвсэгт хүчинд ... Цэргүүдийг жагсаалаас хоцорсон, тамхи татахгүй газар тамхи татсан, цэвэрлэгээ муу хийсэн, цэргүүд хоорондоо муудалцсан зэрэг шалтгаанаар алгадах, шанаа, цээжинд цохих, ус уулгах, суниалгах зэргээр дүрмийн бусаар харьцаж шийтгэсэн ...

(Сум дундын ... дугаар шүүхийн шийтгэх тогтоол)

Кейс-16

...Дарга нар ар гэртээ гаргасан уур бухимдлаа ажил дээр ирж бидэнд гаргах, шалтгаангүй жижиг зүйл дээрээс уурлан бухимдаж биеийн тамирын дасгал сургуулилалт удаан хугацаагаар хийлгэх, номхон зогсоох, нойрноос хасах зэрэг дүрмийн бус үйлдэл гаргаж, уур бухимдлаа бидэнд гаргадаг...

(Социологийн судалгааны тайлангаас)

Кейс-17

...Цэрэгт байхад өргөдөл, гомдол гаргах юм бол ахлагч, офицерууд үздэггүй учраас өөртөө дайсан бэлдэж байна гэсэн үг. Одоо гэртээ эсэн мэнд ирснээс хойш элдэв юм яриад яахав дээ. Манай ахлагч, офицерууд гэртээ хариад гэрийнхээ хаалгаар орсон цагтаа л ард болсон гэж бодоорой гэж хэлдэг байсан...

(2019 онд хугацаат цэргийн алба хаасан иргэнтэй хийсэн ярилцлагаас)

Эх сурвалж: “Зууны мэдээ” сонин


Сэтгэгдэл

Зочин [91.213.50.53] 2022-05-20 22:08:01

1

Зочин [91.213.50.53] 2022-05-20 22:08:01

1

Зочин [91.213.50.53] 2022-05-20 22:08:01

1

Зочин [91.213.50.53] 2022-05-20 22:08:01

1

VzrlBIoi [91.213.50.53] 2022-05-20 22:06:17

1

VzrlBIoi [91.213.50.53] 2022-05-20 22:06:17

1

VzrlBIoi [91.213.50.53] 2022-05-20 22:06:15

1

VzrlBIoi [91.213.50.53] 2022-05-20 22:06:15

1

VzrlBIoi [91.213.50.53] 2022-05-20 22:06:15

1

Зочин [91.213.50.53] 2022-05-20 22:06:10

Зочин [91.213.50.53] 2022-05-20 22:06:10

Зочин [103.14.36.250] 2022-05-20 01:29:34

Novshiin orosiin surtal uhuulgiin uldegdel shuu, odoo armiig shal ooroor shinechlen zohion baiguulah heregtei, bugd NATO standartaar baih yostoi, darga naraar ni LEGIOND alba haaj baigaa zaluusiig urij avchraad tavi!!!!

Toli [83.215.197.107] 2022-05-19 18:16:42

Mongolchuid mongoloor bichij cadahaa baisan jun uu

bii [202.21.108.149] 2022-05-19 16:23:35

case ch geh shig mongolooroo bich l de durak ym be

Зочин [183.107.195.204] 2022-05-19 23:53:16

Жишээ гээд биччихэд болохгүй л байгаа юм байх даа үгийн сангүй болчихсон юм шиг харь үг зээлж ч байх шиг!!!

Зочин [103.57.93.169] 2022-05-19 16:57:20

"Дурак" гэдэг чинь монгол үг биш ш дээ. Кх!

Зочин [192.82.71.70] 2022-05-19 11:28:41

Орчин үеийн 21 зууны хүүхдүүд байж дээрэлхүүлж , доромжлуулж ёстой болохгүй шүү . Дээрэлхэх гэсэн офицер, ахлагч хэнч байсан бүгдээрээ нийлээд бялба нүдчихэж бай . Тэгээд ангийн захирагчийн өрөөнд оруулаад шидчихэж бай

Зочин [202.70.44.46] 2022-05-19 10:32:52

ер нь монгол улсад арми ямар хэрэгтэй юм, байнгын ажиллагаатай хилийн цэрэг, дотоодын цэрэг, тэгээд л болоо

Зочин [202.126.89.199] 2022-05-20 03:21:35

Ug ni tegj boddog l bailaa ghde ymiig yaj medehev de tsag tur yaj ch ergej boldog yrtuntsud amidarch bnsde, mongol er hun bur yadaj tsergiin erdem sursan deer l gj boddog bolson do

Зочин [202.9.46.12] 2022-05-19 10:26:59

Монголд ер нь цэрэг армийн хэрэг үнэндээ байхгүй Цэргийн албан хаагчид офицер ахлагч нар гэж хийх ажилгүй учраас цэргүүдээр нэг нэгнээрээ уйдаагаа гаргах архидах авгайдахаас өөр ажил үнэндээ байхгүй Тэгээд төсвөөс өндөр цалин хувцас хоол хангамж авна НДШтэтгэмж төлдөггүй мөртлөө хамгийн өндөр тэтгэвэр авна энэ шудрага бус тоголцоог өөрчилж армийг татан буулгаж цагдааг 50 хувь цомхотгоход МУын эдийн засагт маш хэрэгтэй хэмнэлттэй зүйл болно Монголд Цэрэг Арми үнэндээ хэрэггүй дайн боллоо гэхэд монголын арми байлдах чадвар чадамжгүй зэвсэг техникгүй хэдэн архичин авилгачин авгайчин гаруудын бөөгнөрөл болсон л газар

Зочин [139.5.216.42] 2022-05-19 14:54:45

Украин Оросын эсрэг яаж байлдаж байгааг хар. Чинийхээр бол Орос, Хятадын эсрэг байлдахгүй, зүгээр л оруулчих хэрэг үү. Орчин үед хүний олон, танкийн тоогоор байлдахгүй болсон. Цагдааг 50 хувь цомхотгоод үз л дээ. Хурим найраа ч цагдаагүй хийж чадахаа байсан улс ш дээ.

Зочин [64.119.19.91] 2022-05-19 10:22:28

Армийнхан гэж хийх ажилгүй хэдэн офицeр, ахлагч нар, эмгүй нийлээд архидаж, бөөр бөгс яриад л заваараад сууж бдаг шүү

Иргэн [103.212.116.206] 2022-05-19 10:12:43

Пи үнэн юм бол энэ нохойнарми шүү юмаа тараагаад шинээр цомхон гэрээт цэргийн алба руу яаралтай шилжүүл ноходод яргалуулах гэж үр хүүхэд төрүүлдэггүй шүү

Зочин [64.119.26.231] 2022-05-19 09:11:30

Бага цолтой дарга нар их дэглэдэг. Ар гэрээс нь байнга мөнгө нэхүүлэх бол энгийн үзэгдэл. Ер нь бол цэргүүдийнхээ ар гэрийг нь маш сайн судалдаг, тэгээд яаж харьцах вэ гэдгээ шийддэг байх. Гэнэтийн шалгалтыг л маш сайн хийх хэрэгтэй. Ганц нэг шанаа бол байх, харин доромжлол байж болохгүй

zochin [192.82.77.22] 2022-05-19 07:44:02

Shinchilel xeregtei bolj ee Naad said n chadaxgyi bo solil doo,Oyunerden eronxii saidaa.

Зочин [126.156.189.9] 2022-05-19 06:39:05

Цэрэг татлага болиул бүгдийн нэртэй нь зарлаад эрүүгийн шүүхэд өг. Цэргийн салбарт шинэчлэлт хэрэгтэй. Холбогдсон офицеруудын цолыг хураа. Тийм хэцүү ажил биш. Мэргэжлийн арми руу шилжээд хангамжийн нэмэхэд мөнгө нэхэж болино.

Зочин [66.181.164.21] 2022-05-19 05:37:25

Яанаа, аймаар юмаа. Яаж хүүхдээ цэрэгт явуулна :(

1 [59.153.114.172] 2022-05-19 03:29:47

ee chaawaas muu nusnii karantuud l iim yum helendee uhehees naaguur zoduulaad l noirgui degluuleed uhaan aldaj unaad l bosj ireed udurjin jagsaaliin beltgel hiigeed teseed dawaad garaad l irdeg yum zurhen uhsen aliaa yumnuud iim yum heldeg yum daa

Зочин [202.179.25.194] 2022-05-19 02:03:20

Гэрээ санасан боовоо саасан гарууд л байгаа биз..... худлаа гэвэл казармд нь ороод үзээрэй үнэр танар гэж найгүй

1 [202.9.46.154] 2022-05-19 02:44:42

Гэрээ санасан эсвэл гар хангалга хийдэг хийдэггүй нь тэгээд дарга нарых нь яргалалд ямар хамаа байх уу? LOL


30 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
30 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.