Оросын гадаад валютын өрийг рублиэр төлөх тухай зарлигт гарын үсэг зуржээ

Aдмин / Гадаад мэдээ

МОСКВА. /RIA Novosti/. ОХУ-ын Ерөнхийлөгч Владимир Путин еврогоор гаргасан бондыг төлөх шинэ түр журмын тухай зарлигт гарын үсэг зуржээ. Баримт бичгийг хууль, эрх зүйн мэдээллийн албан ёсны цахим хуудсанд нийтэлсэн байна. Энэхүү баримт бичгийн дагуу Орос улс гадаад валютын өрөө рублиэр төлөх боломжтой болно.

“ОХУ үнэт цаасны хадгаламж эзэмшигч гадаадын этгээдийн нэр дээр (түүний бие төлөөлөгчийг биечлэн байлцуулахгүйгээр) «И» ангиллын рублийн данс нээлгэх тухай хүсэлтийг үнэт цаасны төвлөрсөн хадгаламжийн газар болох банк бус зээлийн байгууллагад гаргах эрхтэй” гэж баримт бичигт дурджээ.

Тогтоолд дурдсанаар, хэрэв гадаад валютаар хүлээсэн үүргийн дүнтэй тэнцэх хэмжээний рублиэр төлсөн бөгөөд ОХУ-ын дотоод валютын зах зээл дээрх гадаад валютын ханшаар тооцсон бол евро бондоор хүлээсэн үүргийг биелүүлсэн гэж үзнэ. Энэхүү дансны ашиг хүртэгч нь еврогоор гаргасан бондыг эзэмшигчид байх аж. ОХУ-ын Ерөнхийлөгч мөн шинэ схемийн дагуу еврогоор гаргасан бондын төлбөрийг хийх банкуудыг 10 хоногийн дотор тодорхойлж, техникийн асуудлыг шийдвэрлэхийг Засгийн газар, Сангийн яамдаа даалгажээ.

Д.Жаргал

Эх сурвалж: "Монцамэ" агентлаг


Сэтгэгдэл

Зочин [192.82.75.120] 2022-06-24 12:52:11

Өхгүй гэсэн санаа арчаагүй юм

Зочин [103.57.93.80] 2022-06-23 09:16:53

цаад төлбөр хүлээн авагч нь рүблиэр хийхийг хүлээж авахгүй хөрвөх валютаар төлөхийг шаардвал яах юм болдоо. орос рүбль дэлхийн зах зээлд хөрвөх валют бтшсэн


2 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.