Хөгжлийн банкны дэд захирал асан Ч.Мөнхбаярыг батлан даалтад гаргасан захирамжийг өөрчилж, үргэлжлүүлэн хорихоор болжээ

Aдмин / Хууль

Монгол Улсын Хөгжлийн банкны Зээлийн хорооны гишүүн, тус банкны дэд захирлаар ажиллаж байсан Ч.Мөнхбаяр нь тухайн албан тушаалыг эрхэлж байхдаа албан үүрэг, бүрэн эрхээ урвуулан ашиглаж “Н” ХХК-д давуу байдал олгосны улмаас Монгол Улсын Хөгжлийн банканд 21 сая ам.долларын хохирол учруулсан гэх үндэслэлээр, эрх мэдэл албан тушаалын байдлаа урвуулан ашиглах, мөнгө угаах гэмт хэргүүдэд холбогдож, яллагдагчаар татагдан шалгагдаж байна.

Түүнийг шүүгчийн захирамжаар цагдан хорьж байсан ч өмгөөлөгчийн хүсэлтийн дагуу шүүхээс батлан даалтад гаргаж, Монгол Улсын хилээр гарахыг хязгаарласан захирамж гаргаад байсан юм.

Тэгвэл уг шийдвэрийг прокурор эсэргүүцэж, гомдол гаргасан бөгөөд шүүхээс яллагдагч Ч.Мөнхбаярт хувийн баталгаа гаргах, Монгол Улсын хилээр гарахыг хязгаарлах хязгаарлалт тогтоох таслан сэргийлэх арга хэмжээ авахаар шийдвэрлэсэн шүүгчийн захирамжийг хүчингүй болгож, түүнийг үргэлжлүүлэн хорихоор болсон байна.

Тодруулбал, яллагдагч М…-д урьд авсан цагдан хорих таслан сэргийлэх арга хэмжээний хугацааг шүүгчийн захирамжаар нэг сарын хугацаагаар сунгаж шийдвэрлэсэн, уг шийдвэрийг эс зөвшөөрч өмгөөлөгч Б…-ийн гаргасан гомдлыг тус шүүхийн Ерөнхий шүүгч хянаад, өмгөөлөгчийн гомдлыг үндэслэлгүй гэж үзэж, шүүгчийн захирамжийг хэвээр үлдээж шийдвэрлэжээ.

Эрүүгийн хэрэг хянан шийдвэрлэх тухай хуулиар хэрэг бүртгэлт, мөрдөн байцаалтын явцад шүүгчийн дангаар гаргасан шийдвэрийн талаарх гомдлыг тухайн шатны шүүхийн Ерөнхий шүүгч шүүх хуралдаанаар хянан шийдвэрлэх бөгөөд уг шийдвэр эцсийн байхаар заасны дагуу дээрх шүүгчийн захирамжийг хянасан Ерөнхий шүүгчийн шийдвэр хуулийн хүчин төгөлдөр болсон байна.

Гэтэл, яллагдагч М…-ийн өмгөөлөгчөөс “…цагдан хорих таслан сэргийлэх арга хэмжээг өөрчлүүлэх”-ээр дахин хүсэлт гаргасныг, шүүгч хүлээн авч хянаад, өмгөөлөгчийн хүсэлтийг хангаж, яллагдагч М…-д авсан цагдан хорих таслан сэргийлэх арга хэмжээг хувийн баталгаа гаргах, Монгол Улсын хилээр гарахыг хязгаарлах хязгаарлалт тогтоох арга хэмжээгээр өөрчлөхөөр шүүгчийн захирамж гаргажээ.

Уг шийдвэрийг эс зөвшөөрч прокуророос гомдол гаргасныг Эрүүгийн хэрэг хянан шийдвэрлэх тухай хуулиар тогтоосон дээрх журмын дагуу Ерөнхий шүүгч хянаад, яллагдагч М..-д урьд авсан таслан сэргийлэх арга хэмжээг өөрчилсөн шүүгчийн захирамжийг “хууль бус” гэж үзэж хүчингүй болгов.

Өөрөөр хэлбэл, яллагдагч М…-д цагдан хорих таслан сэргийлэх арга хэмжээ авсан бөгөөд, түүний хугацааг сунгаж шийдвэрлэсэн шүүгчийн захирамжийг эс зөвшөөрч гаргасан өмгөөлөгчийн гомдлыг хуульд заасан журмын дагуу нэгэнт хянан шийдвэрлэсэн бөгөөд Ерөнхий шүүгчийн шийдвэр хуулийн хүчин төгөлдөр болсон байхад уг асуудлыг дахин хянаж, таслан сэргийлэх арга хэмжээг өөрчлөх шийдвэр гаргасан нь хуульд нийцээгүй гэж үзсэн байна.

Иймд, яллагдагч М..-д хувийн баталгаа гаргах, Монгол Улсын хилээр гарахыг хязгаарлах хязгаарлалт тогтоох таслан сэргийлэх арга хэмжээ авахаар шийдвэрлэсэн шүүгчийн захирамжийг хүчингүй болгож, яллагдагч М…-д урьд авсан цагдан хорих таслан сэргийлэх арга хэмжээг үргэлжлүүлэх нь зүйтэй гэж шийдвэрлэжээ.

Эх сурвалж: Сүхбаатар дүүргийн Эрүүгийн хэргийн анхан шатны шүүх


Сэтгэгдэл

Зочин [202.21.124.131] 2022-09-01 17:48:01

Шүүх, прокурор хууль хяналтынхан шудрага бус болчихсон өнөөгийн нөхцөлд үргэлжлүүлэн хорихоор боллоо, шүүх хурал хойшиллоо гэх мэт үйлдэлд ард иргэд итгэхээ больчихоод ингэж л ярьцгааж байна. Заа даа хэргийг жинхэнэ үнэнчээр илэрүүлж, шүүж, зохих ялыг нь үүрүүлж хэрэгтнийг давраахгүй, бусдад муу нөлөөлөл болгохгүй байх нь эсрэгээрээ болчихсноос нийгмийг сайн сайхан болгох бус улам л муу зүйл рүү уруудаж доройтох чиг рүү явуулаад байна гэцгээж байна даа

Зочин [192.82.77.52] 2022-09-17 16:30:14

ХУЛГАЙЧ НАРЫН УЯНЫ ЭОХД ТЭНД БИ ШҮҮ ДЭЭ ТЭД ЦАГААТГАХ САНААТТАЙ ДАГ


2 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.