Улсын хилийн зурвас газарт хуш модны самар бэлтгэх зөрчил ихээр гарч байгаа талаар Хил хамгаалах байгууллагаас мэдээллээ. Тодруулбал, энэ сарын 6-11-нд Булган аймгийн Тэшиг, Сэлэнгэ аймгийн Ерөө, Түшиг, Дорнод аймгийн Халхгол сумын нутаг дэвсгэрт улсын хилийн зурвас газарт зөвшөөрөлгүй нэвтэрч хуш модны самар бэлтгэж байсан автомашин, морин уналгатай нийт 84 хүнийг илрүүлж, хуулийн дагуу арга хэмжээ авсан байна.