ЦАХИМ ЗАЛИЛАНГААС СЭРЭМЖЛЭХИЙГ АНХААРУУЛЖ БАЙНА

Aдмин / Хууль

Цахим залилан, сүлжээний бизнесийн талаар монголчуудын мэдлэг нимгэн. Тиймдээ ч энэ төрлийн залиланд өртөх хүмүүсийн тоо ихэсч байгааг цагдаагийн байгууллагаас анхааруулсан. Гэвч залиланд өртөгсдийн тоо буурахгүй нэмэгдэж байгаа аж. Хамгийн сүүлийн жишээ бол “FT Group” гэх сүлжээ. Тус сүлжээний бизнесийн хохирогчдын тоо албан бусаар 400 мянга гаруй болж, алдсан мөнгөн дүнг урьдчилан тооцоолох боломжгүйд хүрсэн. Эдгээр хохирогчдын ихэнх хувийг монголчууд эзэлж байгаа гэх мэдээлэл ч гарсан.

ЦЕГ-аас “Хохирогчид Цагдаагийн ерөнхий газрын мөрдөн байцаах албанд өргөдөл гомдлоо өгч байгаа. Одоогоор мөнгөн дүн, нийт залилуулсан хүний тоог гаргах боломжгүй. Ямартай ч өргөдөл гаргаж байгаа хүний тоо өсч байгаа” гэсэн юм.

Нийслэлийн цагдаагийн газраас өгсөн мэдээллээр "Цахимаар иргэдийг залилсан аппликейшнууд нь хохирогчдын мэдээллээр нэгдүгээр сарын 24-нөөс эхлэн үйл ажиллагаагаа зогсоосон учир иргэд үүгээр гүйлгээ хийхгүй байх нь зөв. Хохирсон иргэд нэн яаралтай ирж, гомдол мэдээллээ өгөх хэрэгтэй.

Судалгаагаар "FT Group" нь Орос, Герман зэрэг улсад салбараа байгуулж, 2022 оны гуравдугаар сард Монголд орж ирсэн гэх мэдээлэл байна. Гэхдээ энэ мэдээлэл баттай биш. Тус байгууллагын үйл ажиллагаа нь блокчэйн технологи дээр суурилсан бөгөөд хөрөнгийн биржээр дамжуулан цэнэглэлт, таталтаа хийдэг крипто валютын нэг хэлбэр. Тиймээс цахим залилан, гэмт хэрэгт өртөхөөс урьдчилан сэргийлэхийг анхааруулж байна.


Сэтгэгдэл

багш [59.153.112.204] 2023-03-20 17:52:46

энэ залилан хийгчид бас үндэстний аюулгүй байдалд хортойгоор нөлөөлөх ард олны дунд хагалан бутаргах үйлдэлтэй хар массуудын эсрэг л Уих ын гишүүн Учралын хууль хэрэгтэй байгаам даа

Зочин [202.9.46.83] 2023-03-20 09:54:37

Нийгэмд харанхуй массууд их байгаа болохоор дээд доодгүй залилан ихэсч байна.


2 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.