"Өөр Украины төлөө" хөдөлгөөний тэргүүн, тус улсад хориглогдсон "Сөрөг хүчний платформ - Амьдралын төлөө" намын хуучин удирдагч Виктор Медведчук Владимир Зеленскийг шүүмжилж, түүний бодлого Украинд сүйрэл авчирсан гэж мэдэгджээ.

Тэрбээр "Смотрим.ру" медиа платформд нийтэлсэн өгүүлэлдээ 2008 оны Өмнөд Осетийн мөргөлдөөн болон тухайн үеийн Гүржийн Ерөнхийлөгч Михаил Саакашвилиг "эх орноосоо урвасан" хэргээр шүүсэн талаар дурдсан байна.

Медведчук "Гүржийн эрх баригчид Саакашвилиг 2008 онд ОХУ-тай тав хоног үргэлжилсэн дайныг өдөөсөн хэрэгт буруутгасантай адил Зеленскийг ч шүүхэд дуудах нөхцлийг бүрдүүлж байна" гэж онцолжээ.

Гэсэн хэдий ч тэрбээр Саакашвили ба Зеленский нарын хооронд томоохон ялгаа бий гэж үзэж байгаа аж. Медведчук "2008 оны наймдугаар сарын 16-нд, мөргөлдөөн эхлээд, найм хоногийн дараа Саакашвили энхийн хэлэлцээрт гарын үсэг зурсан. Дараа нь тэр гэрээг Кремльд Дмитрий Медведев мөн баталснаар цэргийн ажиллагаа албан ёсоор зогссон" гэж тэмдэглэжээ.

Улс төрч "Зеленский эсрэгээрээ, гэмт хэргийн шинжтэй радикал стратегитайгаа зууралдсаар байгаа нь улс орноо бүрэн сүйрэл рүү хөтөлж байна. Түүнийг шүүхэд татах нь түүхийн шударга ёсны асуудал юм. Учир нь, тэр дайн сонгож, Украины ард түмнийг гамшиг руу түлхсэн" гэж тайлбарласан байна.

Мөн тэрбээр Европын өнөөгийн удирдагчид 2008 оноос ялгаатай нь энэ удаа мөргөлдөөнд шууд оролцож, түүнийг улам дэвэргэж байгаа нь "Зеленскийтэй хамт шүүхийн сандалд суух"-д хүргэнэ" гэж мэдэгджээ.

Эх сурвалж: TASS
Б.ЖАРГАЛ